Samēlia Lelei ko Hatisoní
Ko e hā ʻa e talanoa ʻokú ke fie fanongo ki ai he pōní, Hatisoni?
Talanoa mai kau ki he Samēlia Leleí.
Naʻe fai ʻe Sīsū Kalaisi ʻa e talanoá ni ke akoʻi kitautolu fekauʻaki mo e angaʻofá.
ʻI ha ʻaho ʻe taha naʻe kaihaʻasi mo fakamamahiʻi ʻe ha kakai ʻe niʻihi ha tangata. Naʻa nau liʻaki ia ʻi he halá.
Naʻe lue hake ha kakai tokolahi ʻi he tafaʻaki ʻo e tangata kafó. Ka naʻe ʻikai tuʻu ha taha ke tokoni kiate ia.
Naʻe haʻu leva ha tangata Samēlia. Ko e Samēliá ko ha taha mei Samēlia. Naʻá ne tokangaʻi lelei e tangatá.
ʻOku ou fie hoko ko ha Samēlia Lelei!
Kapau te ke vakavakai holo, mahalo te ke lava ʻo kumi ha taha ke tokoniʻi.
Tamai Hēvani, tokoniʻi au ke u hoko ko ha Samēlia Lelei.
ʻI he ʻaho hono hokó …
Mami, ʻoku ou tui ʻoku fie maʻu tokoni e fefine ko eé!
ʻOku ou tui foki ki ai.
ʻE lava ke ma tokoni atu?
ʻIo, mālō. ʻOku fuʻu mamafa e ʻū kato ko ʻení!
ʻOku ou fie hoko ko ha Samēlia Lelei he ʻaho kotoa pē!
Ngaahi tā fakatātā ʻa Violet Lemay