Ngaahi Nima Fie Tokoni ‘i he funga ʻo e Māmaní
Feʻiloaki mo ʻIsapela mei Palāsila
Fe‘iloaki mo ha fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.
Ngaahi me‘a kotoa fekauʻaki mo ʻIsapelá
Taʻu Motuʻá: 10
Mei: Sao Paulo, Palāsila
Ngaahi Lea Fakafonuá: Faka-Potukali mo e Faka-Laipalasí (Talanoa Fakaʻilonga Nima Faka-Palāsilá)
Ngaahi taumuʻá mo e ngaahi fakaʻānauá: 1) Fakataha ko ha fāmili ʻi he langí. 2) Tokoniʻi e niʻihi kehé ke nau feohi lelei. 3) Hokohoko atu e fakalakalaka ʻi he palālelí, pasiketipoló, kakaú, paleí, mo e soká.
Fāmilí: ʻIsapela, Teti, Mami, mo ha toko ua ʻi he fānaú kuó na mālōlō
Ko e Ngaahi Nima Fie Tokoni ʻo ʻIsapelá
Ko e ako ʻa ʻIsapela ʻi ha ʻapiako maʻá e Kau Tulí. ʻOku ui ia ʻe hono ngaahi kaungāmeʻá ko Pela, ʻa ia ko hono ʻuhingá ko e “fakaʻofoʻofa.” Naʻe ui foki ia ʻe hono ngaahi kaungāmeʻá ko ha tokotaha faʻa fakalelei. ʻI he taimi ʻoku ʻita pe loto-mamahi ai e kaungā akó, ʻoku tokoniʻi kinautolu ʻe Pela ke nau fiemālie.
ʻI ha taimi ʻe taha naʻe ngaohi ʻe he faʻē ʻa Pelá ha meʻatokoni efiafi maʻá e kau faifekaú. Naʻe saiʻia ʻa e tokotaha kotoa ʻi he meʻakaí. Ka naʻe ʻikai lava ʻa Papa ʻo kai. Naʻá ne puke, pea naʻá ne fuʻu vaivaia ke ne kai ʻiate ia pē. Naʻe pehē ange ʻe Pela, “Te u fafangaʻi koe, Papa.” Naʻá ne toutou ʻomi ʻa e sēpuní ki hono ngutú. Naʻe fiefia leva ʻa Papa ʻi he maʻu meʻatokoni efiafí.
Ngaahi Meʻa ʻOku Saiʻia Taha ai ʻa ʻIsapelá
Feituʻu: Ko e ʻapi ʻo e tokoua ʻene faʻeé, ʻa ia ʻokú ne lava ai ʻo kaka ʻi he ʻuluʻakaú mo toli e ngaahi foʻi molí.
Talanoa fekau‘aki mo Sīsuú: ʻI he taimi ne papitaiso ai Iá
Hiva Palaimelí: “I Know That My Savior Loves Me” (ChurchofJesusChrist.org)
Meʻakai: Fanga kiʻi pai sīsí, farofa (mahoaʻa manioke kuo tousi) mo e sōsisi, makaloni mo e soosi hinehina
Lanu: Pingikī
Lēsoni he Akó: PE
Ngaahi tā fakatātā ʻa Melissa Manwill