Naʻe akoʻi ʻe Sīsū Kalaisi ʻEne kau ākongá ʻi ha moʻunga. ʻOku ui e meʻa naʻá Ne akoʻí ko e “Malanga ʻi he Moʻungá.” Naʻá ne folofola, “ʻOku monūʻia ʻa e faʻa fakaleleí” (Mātiu 5:9).
Ko e tokotaha faʻa fakaleleí ko ha taha ʻokú ne ʻomi ʻa e melinó ki he niʻihi kehé. Naʻe faʻa fakalelei ʻa Sīsū. Naʻá Ne tokoniʻi e kakaí ke nau ongoʻi nonga ʻaki ʻene tokoniʻi mo tāpuakiʻi kinautolu. ʻOkú Ne kei tokoniʻi pē kitautolu ke tau ongoʻi nonga ʻi he ʻahó ni.
ʻĪmisi
girl in orange shirt
Naʻá ku faʻu ha “kane ʻo e feohi leleí.” Naʻá ku fakafonu ia ʻaki ha ngaahi laʻipepa naʻá ne talamai ʻa e ngaahi meʻa te u lava ʻo fai fakataha mo hoku tokouá, mo hoku tuongaʻané. ʻI he tafaʻaki ki mui ʻo e ʻū laʻipepá, naʻá ku tohi ai ha ngaahi hiva Palaimeli ʻoku mau ʻiloʻi. Naʻá ku ongoʻi e Laumālie Māʻoniʻoní lolotonga ʻeku ngaohi e kane ʻo e feohi leleí. Naʻá ku ongoʻi houngaʻia koeʻuhí ko hoku fāmilí.