Ngaahi Fakamatala ‘o e Konifelenisí
Ko ha Ki‘i Tamasi‘i Kei Si‘i
Naʻe lea ʻa Palesiteni ʻAealingi fekauʻaki mo e Tuʻi ko Penisimaní, ʻa ia naʻe tuʻu ʻi ha taua ke akoʻi hono kakaí. Naʻe akoʻi ʻe he Tuʻi ko Penisimaní ʻoku totonu ke tau hangē ha kiʻi tamasiʻi kei siʻí. ʻOku ʻuhinga ia ʻoku totonu ke tau falala ki he Tamai Hēvaní pea talangofua mo ʻofa. ʻI he taimi ʻoku tau hoko ai ʻo hangē ha tamasiʻi siʻí, ʻoku tau hangē ange ai ko Sīsū Kalaisí.
‘Oku ako‘i au ‘e he me‘á ni:
Hangē ha Kāpasá
Naʻe talanoa ʻa ʻEletā Petinā fekauʻaki mo e ngaahi fuakavá, pe ngaahi palōmesi ʻoku tau fai mo e ʻOtuá. Naʻá ne pehē ʻoku hangē ʻa e ngaahi fuakavá ko ha kāpasa ʻokú ne tokoniʻi kitautolu ke ʻilo ʻa e hala ke tau fou aí. Hangē pē ko e tuhu ʻa ha kāpasa ki he tokelaú, ʻoku pehē pē hono tataki kitautolu ʻe heʻetau ngaahi fuakavá kia Sīsū Kalaisi. ʻOku tokoni hono fakahoko mo tauhi ʻo e ngaahi fuakavá ke tau ofi ange ai kiate Ia.
‘Oku ako‘i au ‘e he me‘á ni:
Soká pe Lotú?
Naʻe pehē ʻe ʻEletā Kavaleti ʻi hono taʻu 12, naʻe ʻikai ʻalu ki he lotú ʻi ha uike ʻe taha koeʻuhí ke lava ʻo vaʻinga soka mo hono ngaahi kaungāmeʻá. Naʻe kole ange ʻe ha taki ʻo e Siasí kimui ange ke tokoni ʻi hono akoʻi ha lēsoni fekauʻaki mo hono tauhi ʻo e ʻaho Sāpaté ke māʻoniʻoní. Naʻe ako ʻe ʻEletā Kavaleti ko e Sāpaté ko ha ʻaho mahuʻinga ia ke tokanga taha ai ki he Tamai Hēvaní.
‘Oku ako‘i au ‘e he me‘á ni:
Ko ha Liliu Lahi
Naʻe fai ʻe Sisitā ʻApeto ha talanoa fekauʻaki mo ha kiʻi tamasiʻi naʻe totongi vahehongofulu. Ko e taimi kotoa pē naʻá ne totongi ai ha paʻanga ʻe taha, naʻá ne fakakaukau ʻe langa kotoa ai ha fale ʻo e Siasí! Hili ha ngaahi taʻu mei ai, naʻá ne ʻiloʻi naʻe laka hake ʻi he paʻanga ʻe tahá ʻa e paʻanga ʻoku fie maʻu ke langa ʻaki ha fale ʻe tahá. Ka naʻe akoʻi ʻe Sisitā ʻApeto, naʻa mo ʻetau fanga kiʻi ngāue īkí te ne lava ʻo fai ha liliu lahi.
‘Oku ako‘i au ‘e he me‘á ni: