Si‘i Ngaahi Kaungāmeʻa,
Ko ha taimi fakailifia ia ki he kakai ʻi he Tohi ʻa Molomoná. Ne tō mai e ngaahi matangí, afí, mo ha mofuike lahi. Naʻe fakapoʻuli ʻi ha ʻaho ʻe tolu. Fakafokifā pē kuo ongona ʻe he taha kotoa ʻa e leʻo ʻo Sīsū Kalaisí. Naʻá Ne folofola naʻá Ne fakatupu ʻa e māmaní. Naʻá Ne folofola ko e taimi te tau fakatomala pea haʻu ai kiate Iá, ʻe fakamoʻui kitautolu. Te ke lava nai ʻo fakakaukauloto ki he ongo fakafiemālie naʻe maʻu ʻe he kakaí? Naʻe hāʻele mai ʻa Sīsū tonu kimui ange ke ʻaʻahi ki he kakaí. Huke ki he peesi 24 ke ʻiloʻi e founga naʻe faʻu ai ha foʻi vitiō fekauʻaki mo e talanoa fakaʻofoʻofa ko ʻení.
ʻOku mau ʻofa atu,
Ko e Kaumeʻá
P.S. Kātaki ʻo tohi mo vahevahe mai kau ki ha taimi naʻá ke ongoʻi ai ha fiemālie mo ha ʻamanaki lelei meia Sīsū Kalaisi.