Ngaahi Talanoa mei he Folofolá
ʻOku Akoʻi e ʻĪsaia fekauʻaki mo Sīsū Kalaisi.
Ne hoko ʻa ʻĪsaia ko ha palōfita. Naʻá ne moʻui kimuʻa pea ʻaloʻi mai ʻa Sīsū Kalaisí. Ka naʻá ne ʻiloʻi ʻe hāʻele mai ʻa Sīsū.
Naʻe pehē ʻe ʻĪsaia ʻe ʻaloʻi ʻa Sīsū ko e ʻAlo ʻo e ʻOtuá. ʻE tokoniʻi mo fakamoʻui ʻe Sīsū ʻa e niʻihi kehé.
Naʻe toe pehē foki ʻe ʻĪsaia ʻe hāʻele mai ʻa Sīsū ki he māmaní. ʻE ui Ia ko e Pilinisi ʻo e Melinó. Te Ne foaki ʻEne moʻuí maʻatautolu koeʻuhí he ʻokú Ne ʻofa lahi ʻiate kitautolu.
Naʻe hoko e ngaahi meʻa naʻe akoʻi ʻe ʻĪsaiá. Hili ha ngaahi taʻu lahi mei ai, naʻe hāʻele mai ʻa Sīsū ki he māmaní. Naʻá Ne fakahinohino mai ʻa e halá. Naʻá Ne pekia pea toe moʻui. ʻOkú Ne moʻui ʻi he ʻahó ni!
Te u lava ʻo ako fekauʻaki mo Sīsū Kalaisi. ʻI he taimi ʻoku ou manatuʻi ai ʻa e meʻa kuó Ne fai maʻakú, ʻoku ou lava ʻo ongoʻi ʻa e nongá mo e ʻamanaki leleí!
Ngaahi tā fakatātā ʻa Apryl Stott