Ko e Hā ʻOkú Ke Fakakaukau Ki Aí?
Ko e taimi ʻe niʻihi ʻoku lea taʻeʻofa ʻa e fānau ʻi he akó. ʻE anga fēfē haʻaku taʻofi kinautolu?
—Loto Foʻi ʻi Falanisē
Siʻi Loto Foʻi,
He ʻikai ke ke lava ʻo ʻai ha taha ke ne fai ha meʻa. Ka ʻi he taimi ʻokú ke lea ʻofa aí, ʻe lava ke muimui e niʻihi kehé ki hoʻo sīpingá. ʻOku mālohi e ngaahi leá. Tautautefito ki he taimi ʻokú ke fakaʻaongaʻi ai hoʻo ngaahi leá ki he leleí. ʻE lava ke fakatupu lotomamahi ʻa e ngaahi lea taʻeʻofá, ka ʻe lava ke tokoni, fakamoʻui, mo ueʻi fakalaumālie ʻa e ngaahi lea angaʻofá. Ko ha niʻihi ʻeni ʻo e ngaahi tokoni ke tokoni atu kiate koe.
Ko e Kaumeʻá
Fakaʻaongaʻi Hoʻo Ngaahi Lea ʻAʻaú
Kapau ʻokú ke sio ki ha taha ʻoku anga taʻeʻofa, kole ange ke tuku. Ko ha ngaahi meʻa ʻeni ʻe lava ke ke lea ʻakí. Feinga ke fakatātaaʻi ha ngaahi taimi te ke ala lea ʻaki ai kinautolú.
-
“Kātaki ʻo tuku.”
-
“ʻOku ʻikai ke sai ia.”
-
“Ne ikai angaʻofa ia.”