Ngaahi Nima Fie Tokoni ‘i he funga ʻo e Māmaní
Feʻiloaki mo Sepisile mei ʻAfilika Tonga
Fe‘iloaki mo ha fānau Palaimeli ʻoku nau tokoniʻi e ni‘ihi kehé, hangē ko ia naʻe fakahoko ‘e Sīsuú.
Ngaahi me‘a kotoa fekauʻaki mo Sepisilé
Taʻu motuʻá: 8
Mei: Kautengi, ʻAfilika Tonga
Ngaahi Lea Fakafonuá:Faka-Pilitānia mo e Faka-Sulu
Ngaahi taumuʻá mo e ngaahi fakaʻānauá: 1) Fakafanongo ki he konifelenisi lahí.2) Hoko ko ha tokotaha palāleli (gymnast) fakapalofesinale.
Fāmilí: Sepisile, Mami, Teti, ongo taʻokete, mo e tuongaʻane lahi ʻe taha
Ko e Nima Fie Tokoni ʻo Sepisilé
ʻOku ʻi ai ha kaungāmeʻa ʻo Sepisile ʻi he akó ʻoku mā ʻaupito. ʻI he taimi ʻoku ʻalu ai ʻa e kalasí ki tuʻá, ʻoku ʻikai vaʻinga ʻa e fānau kehé ia mo ia. Ko ia ʻoku fakaafeʻi ia ʻe Sepisile ke na vaʻinga.
ʻI he Sāpate ʻaukaí, ʻoku ʻaukai mo lotua ʻe Sepisile mo hono fāmilí ʻa kinautolu ʻoku fie maʻu tokoní. ʻOku pehē ʻe Sepisile, “ʻOku ʻomi ʻe he tokoni ki he niʻihi kehé ha ongo fakafiefia kiate au.” “ʻOku ou saiʻia ʻi hono fai e meʻa ne mei fai ʻe he Fakamoʻuí. ʻOku ou saiʻia ʻi he ongo māfana ʻoku maʻu ʻe hoku lotó mei he Laumālie Māʻoniʻoní.”
Ngaahi Meʻa ʻOku Manako Taha ai ʻa Sepisilé
Feitu‘ú:Ko e paʻake vaʻingá
Talanoa fekauʻaki mo Sīsuú: Ko e taimi naʻe fafanga ai ʻe Sīsū ʻa e kakai ʻe toko 5,000 ʻaki ha ngaahi foʻi mā siʻisiʻi pē mo ha fanga kiʻi ika
Hiva ʻa e Palaimelí: “Loto-toʻa ʻa Nīfaí” (Tohi Hiva ʻa e Fānaú, 64–65)
Meʻakaí: Kouta (mā ʻoku ʻi ai kongokonga pateta, sōsisi, mo e siisi)
Lanú:Lanu pulū maama
Lēsoni he Akó: Ngaahi Taukei ʻo e Moʻuí (Life skills)
Ngaahi tā fakatātā ʻa Lisa Hunt