ʻAʻahi ki he Feituʻu ne Fakafaivaʻi ai e Tohi ʻa Molomoná
Kimuí ni mai, naʻa mau ʻaʻahi ki ha taha ʻo e ngaahi feituʻu naʻe ʻetiʻi ai e foʻi vitiō foʻou ʻo e Tohi ʻa Molomoná. Naʻe lava ke mau mamata ki he konga ʻo e taimi naʻe feʻiloaki taha taha ai ʻa Sīsū Kalaisi mo e fānaú.
Naʻa mau mamata ki he ala ʻa e fānaú ki he nima ʻo e tangata faiva naʻá ne fakatātaaʻi ʻa Sīsuú. Naʻá ne lea kiate kinautolu ʻi ha founga angaʻofa mo angamalū, ʻo hangē pē ko ia naʻe mei fai ʻe Sīsuú.
Naʻe talamai ʻe he fānaú, koeʻuhi ko e meʻa ne nau aʻusiá, naʻe fakaʻau ke mālohi ange ʻenau fakamoʻoni ki he Tohi ʻa Molomoná. Naʻe hāʻele mai ʻa Sīsū ki he kau Nīfaí. Naʻá Ne tāpuakiʻi ʻa e fānaú. ʻOku moʻoni ʻa e talanoá.
Te ke lava foki ʻo ʻiloʻi ia. Ako ʻa e Tohi ʻa Molomoná. Mamata ʻi he ngaahi vitiō ʻo e Tohi ʻa Molomoná ʻI hoʻo fai iá, te ke lava ʻo ofi ange kia Sīsū. ʻOku mou mahuʻinga kiate Ia. Pea ʻe tokoniʻi koe ʻe he Laumālie Māʻoniʻoní ke ke ongoʻi ʻa e ʻofa mo e melino ʻa e Fakamoʻuí.
Naʻe angaʻofa mo angavaivai ʻa e tokotaha naʻá ne fakatātaaʻi ʻa Sīsuú.
Naʻe saiʻia ʻa e kau palesitenisī ʻo e Palaimelí ke feʻiloaki mo e fānaú ʻi he feituʻu ne fakafaivaʻi ai e vitioó.
ʻI he konga ko ʻení, naʻe puke ʻa e kau ʻāngeló ʻi he ʻataá ʻaki ha ngaahi uaea!
Naʻe tokolahi ʻa e fānau ne nau lava ʻo kau atu ki he vitioó.
Naʻe tokoni e kiʻi taʻahine ko ʻení ke mokomoko e tokotaha faitaá.
Naʻe hangē ne u ʻi ai tonu ʻi he kuonga ʻo e Tohi ʻa Molomoná.
ʻEmoani W., taʻu 11
Naʻe tokoni ia ke u ʻiloʻi naʻe ʻaʻahi ʻa Sīsū ki he kakaí ni.
ʻAisake P., taʻu 7
ʻI he taimi ne hā mai ai ʻa Sīsū mo e kau ʻāngeló, naʻá ku fiefia.
Lili W., taʻu 8
Te ke lava ʻo vahevahe ʻa e foʻi vitioó mo e tokotaha kotoa pē!
Kāsolo W., taʻu 9
Te ke ako lahi ange fekauʻaki mo Sīsū Kalaisi.
Kilisitina C., taʻu 9
Naʻá ne ʻai ke u fifili pe ʻe fēfē kapau te u feʻiloaki mo Sīsū.
Leti M., taʻu 4