ការធ្វើតាមព្រះយេស៊ូវនៅ ប្រទេសអង់គ្លេស
សូមជួបជាមួយ លូសៀ, វីវី និង ហ្សាក់ !
អំពីពួកគេ
ឈ្មោះ ៖ លូសៀ អាយុ ៧ ឆ្នាំ; វីវី អាយុ ៩ ឆ្នាំ; ហើយ ហ្សាក់ អាយុ ៩ ឆ្នាំ
មកពី ៖ ហៀហ្វតស្សាយអឺ ប្រទេសអង់គ្លេស
ភាសា ៖ អង់គ្លេស
គោលដៅ និងក្ដីសុបិន ៖ ធ្វើជាកល្យាណមិត្តម្នាក់ ( លូសៀ ) ទន្ទេញឲ្យចាំមាត្រានៃសេចក្ដីជំនឿ ( វីវី ) និងជួយកុមារដទៃទៀតឲ្យលេងកីឡា ( ហ្សាក់ )
គ្រួសារ ៖ លូសៀ និង ហ្សាក់ គឺជាបងប្អូនប្រុសស្រីនឹងគ្នា ហើយ វីវី គឺជាបងប្អូនជីដូនមួយរបស់ពួកគេ
របៀបដែលពួកគេធ្វើតាមព្រះយេស៊ូវ
លូសៀ និយាយថា « គ្រួសាររបស់យើងរស់នៅក្នុងចម្ការតែមួយជាមួយនឹងលោកយាយ និងលោកតារបស់យើង ។ មានកិច្ចការជាច្រើនដែលត្រូវធ្វើ ប៉ុន្ដែយើងមានអារម្មណ៍ល្អ នៅពេលយើងបម្រើ ។ យើងដឹងថា ព្រះយេស៊ូវសព្វព្រះទ័យឲ្យយើងបម្រើ » ។
វីវី ពោលថា « យើងជួយលោកយាយមើលថែទាំកូនសេះតូចៗ ។ យើងនាំពួកវាទៅទីវាលឲ្យស៊ីស្មៅ ។ យើងសម្អាតរោងរបស់វា សិតសក់ឲ្យវា ឲ្យចំណីវា និងចាក់ទឹកឲ្យពេញធុងរបស់វា ។ យើងពេញចិត្តនឹងជួយលោកយាយ » ។
ហ្សាក់ ក៏ធ្វើតាមព្រះយេស៊ូវតាមរយៈការបម្រើផងដែរ ។ « លោកតាទួតរបស់យើងបានវះដៃរបស់គាត់ ។ គាត់មិនអាចថែទាំសួនច្បាររបស់គាត់បានទេ ។ គ្រួសាររបស់ខ្ញុំ បងប្អូនជីដូនមួយ និងលោកតាលោកយាយបានជួយកាត់ស្មៅ និងដកស្មៅចេញ ។ លោកតាទួតសប្បាយចិត្តខ្លាំងណាស់ ! »
ចំណង់ចំណូលចិត្តរបស់ពួកគេ
ទីកន្លែង ៖ លូសៀ និង វីវី ចូលចិត្តនៅជាមួយសត្វសេះ
ដំណើររឿងព្រះគម្ពីរ ៖ ដំណើររឿងដែល ហ្សាក់ ចូលចិត្តបំផុតគឺពេលព្រះយេស៊ូវយាងដើរនៅលើទឹក
បន្លែ ឬផ្លែឈើ ៖ ផ្លែស្វាយ ( លូសៀ ) ដំបូងជ្វា ( វីវី ) ផ្កាខាត់ណាបៃតង ( ហ្សាក់ )
ពណ៌ ៖ ពណ៌ស្វាយ ( លូសៀ ) ពណ៌ទួគីខៀវបៃតង ( វីវី ) និងពណ៌លឿង ( ហ្សាក់ )
មុខវិជ្ជារៀននៅសាលា ៖ សិល្បៈ ( លូសៀ និង វីវី ) និងប្រវត្តិវិទ្យា ( ហ្សាក់ )
រចនារូបភាពដោយ លូស៊ី សេមផល ឌៀឃីន