ដំណើររឿងក្នុងព្រះគម្ពីរ
អំណោយថ្វាយព្រះយេស៊ូវ
នៅពេលព្រះយេស៊ូវគ្រីស្ទបានប្រសូតមក នោះមានផ្កាយថ្មីមួយបានរះឡើងនៅលើមេឃ ។ ពួកហោរាបានដឹងថា ផ្កាយនោះមានន័យថា ព្រះយេស៊ូវបានប្រសូតមកហើយ ។ ពួកគេបានដើរតាមផ្កាយនោះ ។ ពួកគេបានធ្វើដំណើរអស់ជាច្រើនថ្ងៃ ។
នៅពេលពួកហោរាបានរកឃើញព្រះយេស៊ូវ នោះពួកគេបានថ្វាយអំណោយទៅទ្រង់ ។ ពួកគេបានលុតជង្គង់ចុះនៅចំពោះទ្រង់ ហើយបានថ្វាយបង្គំទ្រង់ ។ ពួកគេបានដឹងថា ទ្រង់គឺជាព្រះរាជបុត្រារបស់ព្រះ ។
ខ្ញុំក៏អាចថ្វាយអំណោយដល់ព្រះយេស៊ូវបានផងដែរ ។ ខ្ញុំអាចបង្ហាញសេចក្ដីស្រឡាញ់របស់ខ្ញុំទៅកាន់ទ្រង់ នៅពេលខ្ញុំធ្វើតាមគំរូរបស់ទ្រង់ និងបង្ហាញសេចក្ដីស្រឡាញ់របស់ខ្ញុំទៅកាន់មនុស្សដទៃ ។
រចនារូបភាពដោយ អាព្រីល ស្តុត