ចូរមកតាមខ្ញុំ សកម្មភាពសម្រាប់កុមារតូចៗ

A brother and sister play with sticks and dead grass while playing outside.

សម្រាប់ ម៉ាថាយ ១; លូកា ១

សូមពន្យល់ថា ព្រះគម្ពីរសញ្ញាថ្មីបង្រៀនអំពីព្រះយេស៊ូវ ។ យើងស្គាល់ព្រះនាមរបស់ទ្រង់នៅក្នុងជំពូកទីមួយដំបូងគេ ( សូមមើល ម៉ាថាយ ១:២១ ) ។ សូមសរសេរពាក្យ ព្រះយេស៊ូវគ្រីស្ទ នៅលើក្រដាសមួយសន្លឹក ហើយផ្ដល់សម្ភារសិល្បៈដល់កូនរបស់បងប្អូន ដើម្បីតុបតែងក្រដាសនោះ !

សម្រាប់ ម៉ាថាយ ២; លូកា ២

សូមបង្ហាញរូបភាពនៃឈុតឆាកការប្រសូតរបស់ព្រះយេស៊ូវដោយមានព្រះយេស៊ូវ ម៉ារា និងយ៉ូសែប ។ សូមពន្យល់ថា ព្រះយេស៊ូវក៏ធ្លាប់ជាកុមារផងដែរ ។ សូមប្រាប់ពួកគេថា ព្រះមាតាបិតារបស់ទ្រង់ស្រឡាញ់ទ្រង់យ៉ាងខ្លាំង—គឺដូចជាបងប្អូនស្រឡាញ់ពួកគេដែរ ។ សូមឱបកូនតូចៗរបស់បងប្អូនឲ្យជាប់ ហើយប្រាប់ពួកគេពីអ្វីដែលបងប្អូនស្រឡាញ់អំពីពួកគេ ។

សម្រាប់ យ៉ូហាន ១

សូមនាំកូនតូចៗរបស់បងប្អូនដើរលេងនៅខាងក្រៅ ។ សូមមើលទៅអ្វីៗដ៏អស្ចារ្យនៅក្នុងធម្មជាតិ—ដូចជាដើមឈើ បក្សាបក្សី ខ្យល់ ឬមេឃ ។ សូមឲ្យកូនៗរបស់បងប្អូនរើសយកថ្ម ឬហិតក្លិនផ្កាក្រអូបៗ ។ សូមប្រាប់ពួកគេថា « ព្រះយេស៊ូវស្រឡាញ់កូន ហើយបានបង្កើតពិភពលោកដ៏ស្រស់ស្អាតនេះសម្រាប់កូន » ។

សម្រាប់ ម៉ាថាយ ៣; ម៉ាកុស ១; លូកា ៣

សូមច្រៀងបទ « When Jesus Christ Was Baptized » ( Children’s Songbook ទំព័រ ១០២ ) ។ សូមពន្យល់ថា ព្រះយេស៊ូវបានជ្រមុជទឹក ដើម្បីគោរពប្រតិបត្តិតាមព្រះវរបិតាសួគ៌ ។ ថ្ងៃមួយ កូនតូចៗរបស់បងប្អូនអាចជ្រើសរើសដើម្បីទទួលពិធីបុណ្យជ្រមុជទឹកបានផងដែរ ! សូមប្រាប់កូនៗរបស់បងប្អូនអំពីពិធីបុណ្យជ្រមុជទឹករបស់បងប្អូន ។ ហេតុអ្វីបានជាវាពិសេសចំពោះបងប្អូន ?