Bag-ong Tugon

Dali, Sunod Kanako nga mga Kalihokan alang sa Gagmay nga mga Bata

Alang sa Mateo 8; Marcos 2–4; Lucas 7

Unsa ang pipila ka butang nga makahadlok sa inyong gagmay nga mga bata? Kalmado nga hisgoti ang usa niini nga mga kahadlok. Dayon tabangi sila sa pagsulti, “Kon mahadlok ako, si Jesus makatabang kanako nga mobati og kalinaw.”

Alang sa Mateo 9–10; Marcos 5; Lucas 9

Pagpundok og mga butang nga gamiton sa emerhensiya nga pangtambal ug ipasabot kon unsaon kini paggamit aron makaayo nato. Dayon ipasabot nga ang gahom ni Jesukristo sa pag-ayo kanato mas labaw pa. Pagpili og usa sa mga milagro diha sa Mateo 9.

Alang sa Mateo 11–12; Lucas 11

Ilista ang mga adlaw sa semana alang sa inyong gagmay nga mga bata. Isulti og kusog ang mga ngalan sa matag adlaw, apan ihagawhaw kon isulti nimo ang “Dominggo.” Ipasabot nga ang Dominggo usa ka espesyal nga adlaw sa matinahoron nga paghunahuna mahitungod ni Jesukristo.

Alang sa Mateo 13; Lucas 8; 13

Ipasabot nga kaniadto, ang matinud-anon nga mga tawo miduol ni Jesukristo aron maminaw sa Iyang mga istorya (tan-awa sa Mateo 13). Hangyoa sila sa pagdrowing og hulagway sa mga tawo nga naminaw ni Jesus.

Alang sa Mateo 14; Marcos 6; Juan 5–6

Pag-andam og himsog nga pangmiryenda sa inyong gagmay nga mga bata. Isaysay ang mahitungod sa milagro sa mga pan ug sa mga isda (tan-awa sa Mateo 14:15–21). Tabangi sila sa pagsulti nga, “Si Jesukristo nasayod sa unsay akong gikinahanglan ug makatabang kanako.”