Gikan sa Unang Kapangulohan

Kalinaw gikan sa Manluluwas

Ni Presidente Henry B. Eyring

Sa Korum sa Napulog Duha ka Apostoles

Gikuha gikan sa “Kalinaw Niining Kinabuhia,” Liahona, Dec. 2016.

Mga paghulagway pinaagi ni Dilleen Marsh

Ang Manluluwas miingon, “Paantoson kamo sa kalibotan” (Juan 16:33). Nagpasabot kana nga sa kalibotan kitang tanan adunay mga panahon sa mga kalisod. Apan Siya mihatag usab kanato niini nga saad: “Kaninyo ibilin ko ang kalinaw, kaninyo ihatag ko ang akong kalinaw” (Juan 14:27). Pinaagi sa pagsunod sa Manluluwas, makabati kita og kalinaw sa atong mga panahon sa kalisod.

Kon kita moambit sa sakramento, kita nagsaad nga mohinumdom sa Manluluwas. Mahimong hunahunaon ninyo Siya sa mga paagi nga makatabang ninyo nga mobati nga duol Kaniya. Usahay maghunahuna ko mahitungod Niya nga nagluhod sa Tanaman sa Getsemani. Usahay maghanduraw ko Niya nga nagtawag ni Lazaro aron mogawas sa lubnganan. Sa akong pagbuhat niini, mobati ko nga duol Kaniya. Bation nako ang pagkamapasalamaton ug kalinaw. Kamo usab.

Misaad si Jesus nga kon kita motuman sa Iyang mga sugo ug mosunod Kaniya, ang Espiritu Santo magauban kanato. Dayon makakaplag kita og kalinaw, bisan unsa pa ang mahitabo sa atong kinabuhi.

Mga Istorya kabahin ni Jesus

Si Presidente Eyring miingon nga bation niya ang pagkamapasalamaton ug kalinaw kon maghunahuna siya mahitungod sa Manluluwas didto sa Getsemani. Unsa nga mga istorya mahitungod ni Jesus ang nakatabang ninyo nga mobati nga mas duol Kaniya?