Kabataan ug Kabatan-onan

Ang Akong Tumong sa Basahon ni Mormon

Ni Vebika H., 8 anyos, Utah, USA

Litrato nga nagpakita sa nawong sa nagpahiyom nga batang babaye nga adunay puti nga balhibo sa buhok

Batang babaye nga nagbasa sa mga kasulatan nga nagsul-ob og headphone

Paghulagway pinaagi ni Rachel Hoffman-Bayles

Naghimo ko og tumong sa pagbasa sa Basahon ni Mormon sa wala pa ang akong bunyag, sama sa gihimo sa akong magulang nga lalaki ug babaye. Apan sa dihang nahitabo ang COVID, daghan ko og palta sa eskwelahan, ug ang pagbasa labihan ka lisod para nako. Ang Basahon ni Mormon daghan kaayo og lisod nga mga pulong, ug nagkihanglan ko og tabang.

Dayon ang akong mga ginikanan ug ako nakahunahuna unsay buhaton. Gigamit nako ang Gospel Library nga app sa phone sa akong mama aron maminaw sa Basahon ni Mormon. Among gipahinay ang tingog aron makabasa ko og dali ra nga makasunod. Mohunong sab ko usahay ug motan-aw sa mga video nga giapil sa app. Matag higayon nga ako mobasa, ako kining markahan diha sa tsart. Nakigsulti ko sa akong mama mahitungod sa unsay akong gibasa. Lingaw kaayo kadto!

Nag-anam ko og kamaayo sa pagbasa, apan wala ko magtuo nga makahuman ko sa wala pa ang akong bunyag. Busa miingon ko nga imbes humanon sa wala pa ang akong bunyag, akong humanon sa dili pa matapos ang tuig (maulahi og usa ka bulan). Nagpadayon ko sa pagbasa. Usahay ang akong mama o ang akong igsoong babaye modungan nako sa pagbasa.

Niadtong Disyembre 31, nahuman nako ang Basahon ni Mormon! Ang akong tibuok pamilya miabiba. Dayon miadto ko sa akong kwarto aron mag-ampo. Nangutana ko kon ang Basahon ni Mormon tinuod ba, ug nindot kaayo ang akong gibati.

Nasayod ko nga ang Langitnong Amahan maminaw kon mag-ampo ko. Nasayod ako nga ang akong langitnong mga ginikanan nahigugma nako. Nasayod ko nga ang Basahon ni Mormon pulong sa Dios, ug si Jesus naghigugma kanato.