“Si Jesukristo Gibunyagan,” Higala, Mar. 2023, 24–25.
Mga Istorya kabahin ni Jesus
Si Jesukristo Gibunyagan
Tangtanga kini nga pahina ug pil-a og katunga. Dayon iisa ang litrato samtang imong isaysay ang istorya.
Painting ni Greg Olsen
Si Juan Bautista usa ka propeta. Siya nagtudlo sa katawhan mahitungod kang Jesukristo. Usa ka adlaw si Juan nagbunyag og mga tawo sa Suba sa Jordan. Dayon si Jesus miabot. Siya mihangyo kang Juan sa pagbunyag Kaniya.
Siya miingon nga ang Langitnong Amahan nagsugo sa tanang tawo nga magpabunyag. Gusto Siya nga mosunod sa Langitnong Amahan. Gusto Siya nga mopakita og ehemplo alang kanato.
Si Juan mibunyag ni Jesus didto sa Suba sa Jordan. Sa dihang mikawas si Jesus gikan sa tubig, ang mga tawo nakadungog sa tingog sa Langitnong Amahan. Siya miingon, “Kini mao ang pinangga kong Anak nga nakalipay kanako pag-ayo.”
Makasunod kita ni Jesukristo pinaagi sa pagpabunyag. Ang Langitnong Amahan malipay kon kita mosunod sa Iyang Anak.