Hello gikan sa Kiribati!

Kat-oni ang mahitungod sa mga anak sa Langitnong Amahan sa tibuok kalibotan.

Ang Kiribati (kee-ruh-bas) usa ka isla nga nasod sa Kadagatan sa Pasipiko. Mga 120,000 ka tawo ang nagpuyo didto.

33 ka mga isla

Usa ka isla nga adunay mga kahoy nga palmera

Mga paghulagway pinaagi ni Robyn Brimley

Ang gamay kaayo nga mga isla sa Kiribati nagkatag sa gilapdon nga 1.4 ka milyon nga milya kwadrado (3.5 ka milyon nga kilometro²) nga kadagatan! Ang nahimutangan niini nga dapit diha sa globo naghimo niini nga maoy unang rehiyon nga makakita sa kahayag sa matag bag-o nga adlaw.

Maanindot nga mga Baybayon

Globo nga nagpakita sa adlaw nga misubang

Ang Kiribati puno sa balason nga mga baybayon ug mga kahoy nga palmera. Init kini sa tibuok nga tuig.

Maayo nga mga Ehemplo

Usa ka pamilya nga adunay nga ginikanan, mga anak, ug mga apohan

Hapit 20 porsyento sa katawhan mga miyembro sa Simbahan. Sila maayo nga mga ehemplo alang sa ubang nga nagpuyo diha sa mga isla.

Layas Isda!

Batang lalaki nga naggunit og isda ug pukot

Sanglit ang kadagatan naglibot kanila, ang mga tawo sa Kribati daghang makaon nga mga pagkaon gikan sa dagat. Lubi, humay, ug kalbasa daghan usab.

May Umaabot nga Templo

Usa ka paghulagway sa templo sa Kiribati

Niadtong Oktubre 2020, si Presidente Russell M. Nelson mipahibalo nga usa ka templo ang tukoron sa Kiribati! Kini ang hulagway niini kon matukod na.

Kalihokan

Sayaw sa mga Hayop

Usa ka magsasayaw gikan sa Kiribati

Ang pagsayaw usa ka mahinungdanon nga bahin sa kinabuhi sa Kiribati. Ang ilang mga sayaw dinasig sa ilang nasodnon nga langgam, ang langgam nga prigata [frigate bird]. Ang mga magsasayaw modupa sa ilang mga kamot sama sa mga pako samtang sila maglihok.

Unsa ang imong paborito nga hayop? Hunahunaa kon unsaon nila paglihok. Dayon paghimo og sayaw nga dinasig niana nga hayop. Hangyoa ang ubang mga higala sa pag-apil nimo!

Resipe

Sabaw sa Tinunuan nga Kalbasa

Usa ka panaksan sa sabaw sa linubian nga kalbasa

1. Pagbu-bo og gamay nga mantika sa lubi sa kaldero. Dugangi og 1 ka hiniwa-hiwa nga sibuyas bombay ug lutoa sa kasarangan nga init hangtod magsugod og kapaig ang sibuyas.

2. Dugangi og 2 ka panaksan nga linusak nga kalbasa, 2 ka panaksan nga tuno sa lubi, ug 4 upat ka panaksan nga sabaw sa manok. Sugkaya og maayo.

3. Pabukala ang sabaw, dayon pahinayi ang kayo ug paanoki sulod sa 20 ka minutos.

4. Kon gusto ninyo, dugangi og asin, sili, luy-a, o ubang mga lamas.

Siguroha nga dunay hamtong nga motabang!

Sugyot sa Kahimsog

Lihok Na

Ang pag-ehersisyso makahimo sa inyong kasingkasing, mga kaunoran, ug mga bukog nga himsog. Makahimo kamo og makalingaw nga mga butang matag adlaw aron malihok ang inyong lawas ug mobomba ang inyong kasingkasing, sama sa pagsayaw, pagdula og sport, pagsakay og bisikleta—bisan unsa ang inyong gusto!