Dali, Sunod Kanako nga mga Kalihokan

Alang sa home evening, pagtuon sa kasulatan, o kalingawan lamang!

Ang Unos

Paghulagway pinaagi ni Katy Dockrill

Alang sa Mateo 8; Marcos 2–4; Lucas 7

Istorya: Basaha ang istorya ni Jesukristo nga mipakalma sa unos sa pahina 46 o sa Marcos 4:36–41. Paghisgot mahitugod sa mga paagi nga si Jesus naghatag kanimo og kalinaw.

Awit: Gibati Ko ang Gugma sa Akong Manluluwas,” (Songbook sa mga Bata, 42–43)

Kalihokan: Pagbarog nga mag-alirong ug guniti ang mga tumoy sa usa ka habol. Butangi og bola ang habol ug hinaya sa pag-itsa, sama sa barko nga gikuso-kuso sa mga balod. Pagpuli-puli sa pagsulti sa grupo nga pakusgan, pahinayan, o “pahunongon.”

Dula sa Pagtag-an sa Milagro

Alang sa Mateo 9–10; Marcos 5; Lucas 9

Istorya: Si Jesukristo mipahigayon og daghang mga milagro. Siya miayo sa usa ka tawo nga dili makalakaw. Siya mibuhi sa usa ka patay nga batang babaye. Siya miayo sa buta nga mga tawo. (Tan-awa sa Mateo 9.) Unsa ang ubang mga milagro nga gihimo ni Jesus?

Awit: “Suginli Ko sa mga Kaagi ni Jesus” (Songbook sa mga Bata,36)

Kalihokan: Isulat ang pipila sa mga milagro ni Jesus diha sa mga piraso sa papel ug ibutang kini sa usa ka panaksan. Pagkuha og usa ka papel, basaha ang milagro diha niini, ug pagdrowing og litrato bahin niini. Ang uban makatagna hain niini!

Magtambayayong

Alang sa Mateo 11–12; Lucas 11

Istorya: Si Jesukristo miingon, “Kay masayon ang akong yugo, ug magaan ang akong luwan” (Mateo 11:30). Ang usa ka yugo nagtabang sa duha ka hayop nga mobitad og butang nga magkadungan. Kon kita mopili nga mosunod ni Jesus, Siya makatabang nato sa atong mga pagsulay.

Awit: “If the Savior Stood Beside Me” (ChurchofJesusChrist.org)

Kalihokan: Paghangyo og usa ka tawo sa pagbalhin og bug-at nga butang tabok sa kwarto. Dayon ipabalhin nila kana nga butang nga tabangan sa uban. Hisgoti kon sa unsa nga paagi nga ang atong mga luwan mas gaan kon kita moduol sa Manluluwas alang sa panabang.

Pagsulat sa Imong Kaugalingong Sambingay!

Alang sa Mateo 13; Lucas 8; 13

Istorya: Si Jesus mitudlo sa ebanghelyo gamit ang mga istorya nga gitawag og mga “sambingay.” Usa ka istorya nga Iyang gisulti mao ang mahitungod kon sa unsa nga paagi nga ang gamay nga liso sa mustasa motubo ngadto sa usa ka dakong kahoy (tan-awa sa Mateo 13:31–32). Unsa ang Iyang gitudlo? Unsa pang ubang mga sambingay nga gitudlo ni Jesus?

Awit: “Kon Maminaw sa Dughan Ko” (ChurchofJesusChrist.org)

Kalihokan: Ang mga sambingay makatabang nato nga mas makasabot sa ebanghelyo. Pakli-a ngadto sa pahina 8 aron isulat ang imong kaugalingong sambingay. Ipaambit ang imong sambingay ngadto sa mga sakop sa pamilya o mga higala.

Naghinobra

Alang sa Mateo 14; Marcos 6; Juan 5–6

Istorya: Sa makausa si Jesukristo migahin sa tibuok adlaw sa pagtudlo sa katawhan. Ang tanan gigutom. Apan duna silay lima lang ka pan ug duha ka isda. Si Jesus mipanalangin sa pan ug isda, ug ang mga disipulo mipaambit niini ngadto sa katawhan. Dihay igong pagkaon alang sa sobra sa 5,000 ka tawo! (Tan-awa sa Mateo 14:15–21).

Awit: “Maninguha Kong Mahimong Mahisama Kang Jesus” (Songbook sa mga Bata, 40–41)

Kalihokan: Paghimo sa imong paborito nga resipe sa pan, ug sulayi ang usa sa pahina 8. Tan-awa kon sa unsang paagi nga ang butang nga gamay sama sa libadura [yeast] makapahimo sa tibuok hiwa nga pan nga mas dako. Sa unsa nga paagi nga si Jesus mihimo sa imong gamay nga mga paningkamot nga dako?

Adto sa pahina 49 alang sa Dali, Sunod Kanako nga mga kalihokan alang sa mas gagmay nga mga bata.