Imong Sinulat

Akong Adlaw sa Bunyag

Ni Megan S., edad 10, Michoacán, Mexico

Litrato nga nagpakita sa nawong sa nagpahiyom nga batang babaye

Pamilya nga adunay tulo ka batang babaye nga padulong sa simbahan

Hello! Ang akong ngalan si Megan, ug nagpuyo ko sa Mexico. Gusto ko nga mosulti ninyo mahitungod sa usa ka espesyal kaayo nga panahon sa akong kinabuhi—ang adlaw nga ako nabunyagan.

Nabunyagan ko sa akong ikawalo nga adlaw nga natawhan. Importante kaayo kadto nga adlaw tungod kay ako nagsaulog sa akong adlaw nga natawhan pinaagi sa pagpabunyag.

Ang pagpabunyag usa ka maanindot nga kasinatian. Ang akong mama mihimo nako og usa ka notebook nga dunay lain-laing mga kalihokan nga andamon. Kini nakatabang nako nga makat-on mahitungod sa kaimportante sa bunyag ug sa mga pakigsaad nga akong himoon uban sa Langitnong Amahan.

Batang babaye nga nagsul-ob og rosas nga sinina naggunit og notebook

Daghang mga tawo kinsa nagmahal nako miabot sa akong bunyag. Ako mibati nga malipayon kaayo nga sila miabot. Ako nagsul-ob og puti nga sinina, ug ang tubig init-init.

Human ako bunyagi ni papa, nagpauga ko ug nag-ilis og sinina. Dayon nadawat nako ang gasa sa Espiritu Santo. Ako kompirmahan isip usa ka miyembro sa Ang Simbahan ni Jesukristo sa mga Santos sa Ulahing mga Adlaw sa mga naghupot sa pagkapari. Ako mibati og tumang kalinaw, gugma, ug kalipay.

Batang babaye nga gibunyagan samtang ang ubang mga bata nagtan-aw

Akong hinumdoman kanunay kanang adlawa. Kini espesyal kaayo tungod kay ako mihimo sa akong unang pakigsaad uban sa Dios. Ako misaad nga mosunod ni Jesus ug mosunod sa Iyang mga sugo.

Batang babaye nga migakos sa papa

Kon ikaw gikulbaan kon unsa ang adlaw sa imong bunyag mahisama, ayaw kabalaka. Ang Langitnong Amahan malipay mahitungod sa pagpili nga imong gihimo!

story PDF

Mga paghulagway pinaagi ni Olga Lee