Եկ, հետևիր ինձ․ վարժություններ փոքրիկների համար, Ընկեր, մարտ 2023, 49։
Նոր Կտակարան
Եկ, հետևիր ինձ․ վարժություններ փոքրիկների համար
Մատթեոս 8, Մարկոս 2–4, Ղուկաս 7
Ինչի՞ց են վախենում ձեր փոքրիկները: Հանգիստ խոսեք այդ վախերից մեկի մասին: Այնուհետև օգնեք նրանց ասել. «Երբ ես վախենում եմ, Հիսուսը կարող է օգնել ինձ խաղաղություն զգալ»:
Մատթեոս 9-10, Մարկոս 5, Ղուկաս 9
Հավաքեք առաջին օգնության պարագաները և բացատրեք, թե դրանք ինչպես են օգտագործվում մեզ բժշկելու համար: Ապա բացատրեք, որ Հիսուս Քրիստոսի բժշկող զորությունն ավելի մեծ է: Նկարագրեք հրաշքներից մեկը Մատթեոս 9 գլխում:
Մատթեոս 11–12, Ղուկաս 11
Նշեք շաբաթվա օրերը ձեր փոքրիկների համար: Բարձրաձայն ասեք յուրաքանչյուր օրվա անվանումը, բայց շշնջացեք, երբ ասում եք «կիրակի»: Բացատրեք, որ կիրակին հատուկ օր է Հիսուս Քրիստոսի մասին ակնածանքով մտածելու համար:
Մատթեոս 13, Ղուկաս 8, 13
Բացատրեք, որ շատ վաղուց հավատարիմ մարդիկ եկան Հիսուսի մոտ՝ լսելու Նրա պատմությունները (տես Մատթեոս 13): Խնդրեք նրանց նկարել մարդկանց, ովքեր լսում են Հիսուսին:
Մատթեոս 14, Մարկոս 6, Հովհաննես 5–6
Ձեր փոքրիկների համար որևէ առողջարար խորտիկ պատրաստեք։ Պատմեք հացերի և ձկների հրաշքի մասին (տես Մատթեոս 14.15–21): Օգնեք նրանց ասել. «Հիսուսը գիտի, թե ես ինչի կարիք ունեմ, և կարող է օգնել ինձ»: