« ចូរមកតាមខ្ញុំ សកម្មភាពសម្រាប់កុមារតូចៗ » ប្រិយមិត្ត ខែ មីនា ឆ្នាំ ២០២៣ ទំព័រ ៤៩ ។
ព្រះគម្ពីរសញ្ញាថ្មី
ចូរមកតាមខ្ញុំ សកម្មភាពសម្រាប់កុមារតូចៗ
សម្រាប់ ម៉ាថាយ ៨; ម៉ាកុស ២–៤; លូកា ៧
តើមានរឿងអ្វីខ្លះដែលបំភ័យកូនតូចៗរបស់បងប្អូន ? និយាយតិចៗអំពីការភ័យខ្លាចមួយក្នុងចំណោមការភ័យខ្លាចទាំងនោះ ។ បន្ទាប់មកជួយពួកគេនិយាយថា « នៅពេលខ្ញុំខ្លាច ព្រះយេស៊ូវអាចជួយខ្ញុំឲ្យមានអារម្មណ៍សុខសាន្ដបាន » ។
សម្រាប់ ម៉ាថាយ ៩–១០; ម៉ាកុស ៥; លូកា ៩
សូមប្រមូលឧបករណ៏ជំនួយបឋម ហើយពន្យល់ពីរបៀបប្រើឧបករណ៏ទាំងនោះដើម្បីព្យាបាលដល់យើង ។ បន្ទាប់មកពន្យល់ថាព្រះចេស្តារបស់ព្រះយេស៊ូវគ្រីស្ទដើម្បីព្យាបាលគឺកាន់តែអស្ចារ្យជាងនេះទៅទៀត ។ សូមពិពណ៌នាអំពីអព្ភូតហេតុមួយនៅក្នុង ម៉ាថាយ ៩ ។
សម្រាប់ ម៉ាថាយ ១១–១២; លូកា ១១
សូមសរសេរថ្ងៃនៅក្នុងសប្តាហ៍សម្រាប់កូនតូចៗរបស់បងប្អូន ។ សូមនិយាយឈ្មោះថ្ងៃនីមួយៗឲ្យឮៗ ប៉ុន្តែខ្សឹបនៅពេលបងប្អូននិយាយ « ថ្ងៃអាទិត្យ » ។ សូមពន្យល់ថាថ្ងៃអាទិត្យគឺជាថ្ងៃពិសេសដើម្បីគិតអំពីព្រះយេស៊ូវគ្រីស្ទដោយមានគារវភាព ។
សម្រាប់ ម៉ាថាយ ១៣; លូកា ៨; ១៣
សូមពន្យល់ថាជាយូរមកហើយ មនុស្សស្មោះត្រង់បានមករកព្រះយេស៊ូវ ដើម្បីស្តាប់ដំណើររឿងរបស់ទ្រង់ ( សូមមើល ម៉ាថាយ ១៣ ) ។ សុំឲ្យពួកគេគូររូបមនុស្សម្នាកំពុងស្តាប់ព្រះយេស៊ូវ ។
សម្រាប់ ម៉ាថាយ ១៤; ម៉ាកុស ៦; យ៉ូហាន ៥–៦
សូមរៀបចំអាហារសម្រន់សុខភាពសម្រាប់កុមារតូចៗរបស់បងប្អូន ។ សូមប្រាប់អំពីដំណើររឿងអព្ភូតហេតុនៃនំបុ័ង និងត្រី ( សូមមើល ម៉ាថាយ ១៤:១៥-២១ ) ។ សូមជួយពួកគេឲ្យនិយាយថា « ព្រះយេស៊ូជ្រាបពីអ្វីដែលខ្ញុំត្រូវការ ហើយអាចជួយខ្ញុំបាន » ។