ជម្រាបសួរមកពីប្រទេស គីរីបាទី !

សូមរៀនអំពីបុត្រាបុត្រីទាំងអស់របស់ព្រះវរបិតាសួគ៌នៅទូទាំងពិភពលោក ។

ប្រទេសគីរីបាទី ( kee-ruh-bas )គឺជាប្រទេសនៅលើកោះមួយនៅមហាសមុទ្រប៉ាស៊ីហ្វិក ។ មានប្រជាជនប្រមាណ ១២០,០០០ នាក់រស់នៅទីនោះ ។

កោះចំនួន ៣៣

កោះតូចៗរបស់គីរីបាទីលាតសន្ធឹងលើផ្ទៃសមុទ្រជាង ១.៤ លានម៉ាយការ៉េ ( ៣.៥ លានគីឡូម៉ែត្រ^២ ) នៃមហាសមុទ្រ ! នៅលើផែនដី ប្រទេសនេះស្ថិតនៅតំបន់ពេលវេលាដំបូង ដើម្បីមើលឃើញពន្លឺថ្ងៃថ្មីរៀងរាល់ថ្ងៃ ។

ឆ្នេរដ៏ស្រស់ស្អាត

ប្រទេស គីរីបាទី ពោរពេញទៅដោយឆ្នេរខ្សាច់ និងដើមត្នោត ។ វាមានអាកាសធាតុក្តៅពេញមួយឆ្នាំ ។

គំរូដ៏ល្អ

គ្រួសារមួយដែលមានឪពុកម្តាយ កូន និងជីដូនជីតា

ប្រជាជនស្ទើរតែ ២០ ភាគរយគឺជាសមាជិកនៃសាសនាចក្រ ។ ពួកគេគឺជាគំរូដ៏ល្អសម្រាប់អ្នកផ្សេងទៀតដែលរស់នៅលើកោះនោះ ។

ទៅស្ទូចត្រី !។

ដោយសារសមុទ្រនៅជុំវិញពួកគេ នោះប្រជាជននៅគីរីបាទីបរិភោគអាហារសមុទ្រច្រើន ។ ដូង អង្ករ និងល្ពៅក៏សម្បូរដែរ ។

ព្រះវិហារបរិសុទ្ធកំពុងសាងសង់

ទិដ្ឋភាពទូទៅនៃព្រះវិហារបរិសុទ្ធគីរីបាទី ។

នៅខែតុលា ឆ្នាំ ២០២០ ប្រធាន រ័សុល អិម ណិលសុន បានប្រកាសថា ព្រះវិហារបរិសុទ្ធនឹងសង់នៅប្រទេសគីរីបាទី ! នេះជាទម្រង់នៃរូបព្រះវិហារបរិសុទ្ធ ។

សកម្មភាព

របាំសត្វ

របាំ គឺជាផ្នែកមួយដ៏សំខាន់នៃជីវិតរស់នៅលើគីរីបាទីនេះ ។ របាំរបស់ពួកគេត្រូវបានបំផុសគំនិតដោយសត្វស្លាបជាតិរបស់ពួកគេ គឺសត្វហ្វ្រីហ្គេត ។ អ្នករបាំលើកដៃចេញដូចជាស្លាបសត្វ ពេលដែលពួកគេធ្វើចលនា ។

តើសត្វអ្វីដែលអ្នកចូលចិត្តជាងគេ ? សូមគិតពីរបៀបវាធ្វើចលនា ។ បន្ទាប់មកបង្កើតក្បាច់រាំដែលបានបំផុសគំនិតដោយសារសត្វនោះ ។ សូមឲ្យមិត្តភក្តិមួយចំនួនចូលរួមជាមួយប្អូន !

រូបមន្ដធ្វើម្ហូប

ស៊ុបល្ពៅដាក់ខ្ទិះដូង

ដាក់ ខ្ទិះដូង បន្តិចចូលទៅក្នុងឆ្នាំង ។ បន្ថែម ខ្ទឹមបារាំង ដែល ហាន់ជាចំណិតតូចៗ ហើយចម្អិនដោយប្រើភ្លើងល្មម រហូតទាល់តែខ្ទឹមបារាំងនោះចាប់ផ្តើមឡើងពណ៌ត្នោត ។
បន្ថែម ល្ពៅកិនរួច ២ ពែង ខ្ទិះដូង ២ ពែង និង ទឹកស៊ុបមាន់ ៤ ពែង ។ លាយគ្នាឲ្យបានល្អ ។
យកទឹកស៊ុបនោះទៅដាំឲ្យពុះ បន្ទាប់មកបន្ថយភ្លើង ហើយរម្ងាស់២០នាទី ។
ប្រសិនបើអ្នកចង់ អាចបន្ថែម អំបិល ម្រេច ខ្ញីឬគ្រឿងទេសផ្សេងទៀតបាន ។

គន្លឹះជំនួយសុខភាព

ចាប់ផ្តើមធ្វើចលនា

លំហាត់ប្រាណរក្សាបេះដូង សាច់ដុំ និងឆ្អឹងឲ្យមានសុខភាពមាំមួន ។ អ្នកអាចធ្វើរឿងសប្បាយៗរៀងរាល់ថ្ងៃដើម្បីធ្វើចលនារាងកាយរបស់អ្នក និងធ្វើឲ្យបេះដូងរបស់អ្នកលោតដូចជាការរាំ លេងកីឡា ឬជិះកង់—អ្វីក៏បានតាមចិត្តរបស់អ្នក !