« គោលដៅអានព្រះគម្ពីរមរមនរបស់ខ្ញុំ » ប្រិយមិត្ត ខែ មីនា ឆ្នាំ ២០២៣ ទំព័រ ៣១ ។
កុមារ និងយុវវ័យ
គោលដៅអានព្រះគម្ពីរមរមនរបស់ខ្ញុំ
រចនារូបភាព ដោយ រ៉ាជែល ហូមិន ប៊ែលស៏
ខ្ញុំបានដាក់គោលដៅមួយដើម្បីអានព្រះគម្ពីរមរមនឲ្យចប់មុនពិធីបុណ្យជ្រមុជទឹករបស់ខ្ញុំ ដូចបងប្រុស និងបងស្រីរបស់ខ្ញុំបានធ្វើដែរ ។ ប៉ុន្តែនៅពេលដែលជំងឺកូវីដបានកើតឡើង ខ្ញុំបានខកខានទៅសាលាជាច្រើន ហើយការអានក៏កាន់តែពិបាកសម្រាប់ខ្ញុំ ។ ព្រះគម្ពីរ មរមនមានពាក្យជ្រៅៗជាច្រើន ហើយខ្ញុំត្រូវការជំនួយ ។
បន្ទាប់មកឪពុកម្តាយរបស់ខ្ញុំ និងខ្ញុំបានមានគំនិតមួយ ។ ខ្ញុំបានប្រើកម្មវិធី បណ្ណាល័យដំណឹងល្អ នៅលើទូរសព្ទម្តាយខ្ញុំ ដើម្បីស្តាប់ព្រះគម្ពីរមរមន ។ យើងបានបន្ថយល្បឿនឲ្យយឺត ដើម្បីខ្ញុំអាចអានតាមបានកាន់តែងាយស្រួល ។ ខ្ញុំក៏បានឈប់បណ្ដើរ ហើយមើលវីដេអូដែលបានភ្ជាប់ក្នុងកម្មវិធីនោះបណ្តើរ ។ រាល់ពេលដែលខ្ញុំអាន ខ្ញុំគូសចំណាំវានៅលើតារាងមួយ ។ ខ្ញុំនិយាយជាមួយម៉ាក់របស់ខ្ញុំអំពីអ្វីដែលខ្ញុំកំពុងអាន ។ វាសប្បាយណាស់ !
ខ្ញុំអានបានកាន់តែល្អឡើង ប៉ុន្តែខ្ញុំមិនបានគិតថាខ្ញុំអាចអានចប់នៅពិធីបុណ្យជ្រមុជទឹករបស់ខ្ញុំទេ ។ ដូច្នេះហើយ ខ្ញុំបាននិយាយថា ជំនួសឲ្យអានឲ្យចប់នៅពីមុនពិធីបុណ្យជ្រមុជទឹករបស់ខ្ញុំ ខ្ញុំនឹងអានឲ្យចប់នៅចុងឆ្នាំនេះវិញ ( ដែលនៅខែក្រោយនេះ ) ។ ខ្ញុំបានបន្តអាន ។ ពេលខ្លះម្តាយរបស់ខ្ញុំ ឬបងស្រីរបស់ខ្ញុំបានអានជាមួយនឹងខ្ញុំដែរ ។
នៅថ្ងៃទី ៣១ ខែ ធ្នូ ខ្ញុំបានអានព្រះគម្ពីរមរមនចប់ ! គ្រួសាររបស់ខ្ញុំទាំងមូលបានចូលរួមអរសប្បាយ ។ បន្ទាប់មក ខ្ញុំបានទៅបន្ទប់របស់ខ្ញុំដើម្បីអធិស្ឋាន ។ ខ្ញុំបានទូលសួរថាតើព្រះគម្ពីរមរមនពិតឬអត់ ហើយខ្ញុំបានមានអារម្មណ៍ល្អណាស់ ។
ខ្ញុំដឹងថា ព្រះវរបិតាសួគ៌ស្តាប់ឮនៅពេលខ្ញុំអធិស្ឋាន ។ ខ្ញុំដឹងថា ព្រះវរបិតាមាតាសួគ៌ស្រឡាញ់ខ្ញុំ ។ ខ្ញុំដឹងថាព្រះគម្ពីរមរមនគឺជាព្រះបន្ទូលរបស់ព្រះ ហើយព្រះយេស៊ូវស្រឡាញ់យើង ។