Faufa’a ’Āpī

’Ohipa e rave nō te Mai, pe’e mai nō te mau tamari’i ri’i

Nō te Mataio 8 ; Mareko 2–4 ; Luke 7

E aha te mau ’ohipa e fa’ataiā nei i tā ’outou mau tamari’i ri’i ? ’A paraparau marū noa nō ni’a i te hō’ē o te reira mau fa’ataiāra’a. I muri iho, e tauturu ia rātou ’ia parau ē, « ’ia mata’u ana’e au, e nehenehe Iesu e tauturu iā’u ’ia fāri’i i te hau ».

Nō te Mataio 9–10 ; Mareko 5 ; Luka 9

’A ha’aputu i te mau tauiha’a nō te tauturu mātāmua ’e ’a fa’ata’a e nāhea ’ia fa’a’ohipa i te reira nō te fa’aora ia tātou. I muri iho, ’a fa’ata’a ē, e mea rahi a’e te mana nō te fa’aora o Iesu Mesia. ’A fa’ata’a i te hō’ē o te mau temeio i roto i te Mataio 9.

Nō te Mataio 11–12 ; Luka 11

’A tāpura i te mau mahana o te hepetoma nō tā ’outou mau tamari’i ri’i. ’A parau pūai i te i’oa o te mahana tāta’itahi, ’a muhumuhu rā ’ia parau ana’e ’outou « sābati ». ’A fa’ata’a ē, e mahana ta’a ’ē te sābati nō te ha’amana’o ma te tura ia Iesu Mesia.

Nō te Mataio 13 ; Luka 8 ; 13

’A fa’ata’a ē, e mea maoro i teienei, e haere mai te mau ta’ata ha’apa’o maita’i ia Iesu ra nō te fa’aro’o i tōna mau ’ā’amu (hi’o Mataio 13). E ani ia rātou ’ia pāpa’i hōho’a i te mau ta’ata e fa’aro’o ra ia Iesu.

Nō te Mataio 14 ; Mareko 6 ; Ioane 5–6

Fa’aineine i te hō’ē ’amu’amura’a maita’i nō tā ’outou mau tamari’i ri’i. ’A fa’ati’a nō ni’a i te temeio o te mau faraoa ’e te mau i’a (hi’o Mataio 14:15–21). ’A tauturu ia rātou ’ia parau, « ’ua ’ite Iesu i te mea tā’u e hina’aro, ’e e nehenehe ’oia e tauturu iā’u ».