Nā te Peresidenira’a Mātāmua

Te hau nō roto mai i te Fa’aora

Nā te peresideni Henry B.Eyring

Nō te pupu nō te Tino ’Ahuru ma Piti ’āpōsetolo

Henry B. Eyring

Fa’aauhia mai roto mai i « Te hau i roto i teie orara’a », Liahona, Tītema 2016.

E piti tamāhine ’e hō’ē tamāroa e rave ra i te ’ōro’a mo’a

Fa’ahōho’ara’a nā Dilleen Marsh

’Ua parau te Fa’aora, « e pohe tō ’outou i teie nei ao » (Ioane 16:33). Te aura’a ’oia ho’i i ni’a i te fenua nei, e fāri’i pā’āto’a tātou i te mau taime fifi. ’Ua hōro’a ato’a mai rā ’oia ia tātou i teie parau fafau : « E hau tā’u e vaiiho ia ’outou nei, ’o tō’u nei hau tā’u e hō atu nō ’outou » (Ioane 14:27). Nā roto i te pe’era’a i te Fa’aora, e nehenehe tātou e fāri’i i te hau i roto i tō tātou mau taime fifi.

’Ia rave ana’e tātou i te ’ōro’a mo’a, e fafau tātou ’ia ha’amana’o i te Fa’aora. E nehenehe ’oe e feruri iāna ma te mau rāve’a o tē tauturu ia ’oe ’ia ’ite ē, ’ua ha’afātata atu ’oe iāna. I te tahi taime, e feruri au iāna e tūturi ra i roto i te ’ō i Getesemāne. I te tahi taime, e feruri au iāna e pi’i ra ia Lazaro ’ia haere mai i rāpae i te mēnema. ’Ia nā reira vau, e ’ite au te ha’afātata atu ra vau iāna. E ’ite au i te māuruuru ’e te hau. E nehenehe ato’a ’oe.

’Ua fafau mai Iesu ē, ’ia ha’apa’o ana’e tātou i tāna mau fa’auera’a ’e ’ia pe’e iāna, e pārahi mai te Vārua Maita’i i pīha’i iho ia tātou. I muri iho, e ’ite mai tātou i te hau, noa atu te ’ohipa e tupu i roto i tō tātou orara’a.

Mau ʼāʼamu nō Iesu

’Api fa’a’ūra’a nō Iesu Mesia e pure ra i roto i te hō’ē ’ō

’Ua parau te peresideni Eyring ē, e fāri’i ’oia i te māuruuru ’e te hau ’ia feruri ana’e ’oia i te Fa’aora i roto i Getesemāne. E aha te mau ’ā’amu nō Iesu ’o te tauturu ia ’oe ’ia ha’afātata atu iāna ?