Te hoa i te hoa

Horo i te māramarama ra

Nā Elder Peter M. Johnson

Nō te Hitu ’Ahuru

Peter M. Johnson

Fa’aauhia mai roto mai i te « Horora’a i te māramarama ra » (video), ChurchofJesusChrist.org.

E tamaiti e horo ra ma te hō’ē pūtē i ni’a i te tua

Fa’ahōho’ara’a nā Adam Nickel

’Ua pa’ari au i roto i te hō’ē tuha’a ’oire ’ata’ata nō te hō’ē ’oire rahi. I te hō’ē mahana, tē haere ra vau i te ha’api’ira’a ’e te tahi moni i roto i tō’u pūtē. E ’atete noa te moni pa’ari, ’ia haere ana’e au.

E ti’a iā’u ’ia haere nā mua i te hō’ē pupu tamāroa pa’ari a’e. ’Ua tāmata vau i te fa’a’ite i te huru pāpū maita’i. ’Ua tāmata vau ’eiaha e mata’u. Terā rā, ’ua fa’aro’o rātou i te ’atetera’a. ’Ua hina’aro rātou i te mau moni pa’ari ’e ’ua ha’amata i te a’ua’u iā’u.

’Ua horo vitiviti au mai tā’u i nehenehe, ’ia māhemo vau. ’Ua tipu’u atu vau i roto i te hō’ē aroā. ’Ua nehenehe iā’u ’ia ’ite atu i te hō’ē māramarama i te hope’a o te aroā, nō reira ’ua horo vau i te māramarama ra. ’Aita i maoro, ’ua fa’aea rātou i te tāpapa mai iā’u, ’e ’ua ora a’era vau.

’Ua riro te reira ’ei hōho’a i roto i tō’u orara’a. ’Ua horo ’ē au i te mea ’ino, ’e ’ua ’imi au i te mea maita’i. I te tahi taime e tae mai te paruparu, ’ua tāmau noa rā vau i te ’imi i te māramarama.

I tō’u haerera’a i te ha’api’ira’a tuatoru, ’ua ha’uti au i roto i te pupu taora pōpō i roto i te ’ete. Te rahira’a o tō’u mau hoa i roto i te pupu, e mau melo ïa nō Te ’Ēkālesia a Iesu Mesia i te Feiā Mo’a i te mau mahana hope’a nei. ’Ua ha’api’i mai au i te ’evanelia maoti rātou. ’Ua ha’api’i mai au ē, e tamari’i au nā te Atua. Te aura’a ra, e nehenehe tā’u e haere i ni’a a’e i tō’u mau fifi ’e ’ia riro ’ei ta’ata maita’i a’e. ’Ua tomo vau i roto i te ʼĒkālesia. Mai taua taime ra, ’ua tāmata vau i te mau mahana ato’a ’ia riro hau atu mai tō’u Metua i te ao ra ’e mai tāna Tamaiti, o Iesu Mesia. ’E e nehenehe ato’a ’outou e nā reira ato’a !

’Ia horo ana’e ’outou i te māramarama ra, tē vai ra te tīa’ira’a. ’Ua ’ite ’outou ē, tē horo ra ’outou i te pūai ra, i te hau ra, ’e i te ’oa’oa ra. Tītauhia ia tātou pā’āto’a ’ia horo i te māramarama ra.

Te ’ārearea o te ha’uti

’ohipa e rave o te taorara’a i te pōpō i roto i te ’ete tāpupuhia

’Ua ha’api’i Elder Johnson i te ’evanelia nā roto i te ha’utira’a i te taorara’a i te pōpō i roto i te ’ete. I teienei nā ’outou e ha’uti !

1. Tāpūpū i te mau tiupa i raro nei ’e ’a ha’amenemene ia rātou mai te hō’ē pōpō.

2. Nā ’outou e ha’uti, ’a taora i te mau pōpō i roto i te ’āu’a.

3. ’Ia topa ana’e hō’ē pōpō i roto i te ’āu’a, ’a ’iriti i te ’api parau ’e ’a pāhono i te uira’a !

• E aha te hō’ē rāve’a nō te pe’e i te Metua i te ao ra ?

• Nāhea tō ’outou mā’itira’a i te maita’i ?

• Nāhea ’outou i te ’itera’a i te māramarama o te Metua i te ao ra i roto i tō ’outou orara’a ?

• E aha te mea tei tauturu ia ’outou ’ia ’ite i te here o te Metua i te ao ra ?

• Nāhea ’outou i te fa’a’ite i te māramarama o te Fa’aora ia vetahi ’ē ?

• ’A pāpa’i i tā ’oe iho uira’a !