Mau ʼāʼamu nō Iesu

’Ua bāpetizohia Iesu Mesia.

’A tātara i teie ’api ’e ’a tūfetu i te reira nā te ’āfara’a. I muri iho, ’a tāpe’a i te hōho’a ’a fa’ati’a ai ’oe i te ’ā’amu.

hōho’a pēni nō Iesu e bāpetizohia ra e Ioane Bāpetizo

Hōho’a peni nā Greg K. Olsen

E peropheta Ioane Bāpetizo. ’Ua ha’api’i ’oia i te mau ta’ata nō ni’a ia Iesu Mesia. I te hō’ē mahana, tē bāpetizo ra Ioane i te mau ta’ata i roto i te ’anavai nō Ioridana. I muri iho, ’ua haere mai ra Iesu. ’Ua ani atu ra ’oia ia Ioane ’ia bāpetizo iāna.

’Ua parau Iesu, ’ua fa’aue mai te Metua i te ao ra i te mau ta’ata ato’a ’ia bāpetizohia. ’Ua hina’aro ’oia e ha’apa’o i te parau a te Metua i te ao ra. ’Ua hina’aro ’oia e fa’a’ite i te hi’ora’a maita’i ia tātou.

’Ua bāpetizo Ioane ia Iesu i roto i te ’anavai nō Ioridana. I tō Iesu haerera’a mai i rāpae i te pape, ’ua fa’aro’o te mau ta’ata i te reo o te Metua i te ao ra. ’Ua parau ’oia, « ’o tā’u tamaiti here teie, ’ua māuruuru roa vau iāna ».

E nehenehe tātou e pe’e ia Iesu Mesia, ma te bāpetizora’a ia tātou. E ’oa’oa te Metua i te ao ra, ’ia pe’e ana’e tātou i tāna tamaiti.

E nehenehe ’oe e tai’o i teie ’ā’amu i roto i te Mataio 3.