’Ia ora na mai Kiripati atu !

Ha’api’i mai nō ni’a i te mau tamari’i a te Metua i te ao ra ’ati a’e te ao nei.

E fenua motu ’o Kiripati roto i te Moana Patifita. Fātata 120 000 ta’ata e ora ra i reira.

33 motu

Fa’ahōho’ara’a nā Robyn Brimley

’Ua parare haere te mau motu na’ina’i nō Kiripati nā ni’a i te moana hau atu i te 1,4 milioni maile tuea (3,5 mirioni km²) ! Tē tu’u nei tōna vāhi vaira’a i ni’a i te ao nei i te vāhi mātāmua nō te hi’o i te māramarama o te mahana ’āpī tāta’itahi.

Te mau pae tahatai nehenehe

’Ua ’ī Kiripati i te mau tahatai one ’e te mau tumu tamara. E mea ve’ave’a i te roara’a o te matahiti.

Mau hi’ora’a māramarama

Fātata e 20 i ni’a i te hānere o te mau ta’ata e melo nō te ’Ēkālesia. E mau hi’ora’a maita’i rātou nō vetahi ’ē e ora ra i ni’a i te mau motu.

Haere e tai’a !

Nō te mea ’ua hā’atihia rātou i te moana, e hotu nō te moana te mā’a rahi a te mau ta’ata nō Kiripati. Mea mataro-ato’a-hia te ha’ari, te raiti, ’e te mautini.

Hō’ē hiero i ni’a i te ’ē’a

I te ’āva’e ’Ātopa 2020, ’ua fa’aara te peresideni Russell M. Nelson ē, e patuhia te hō’ē hiero i Kiripati ! Teie te huru o te hiero.

’Ohipa e rave

’Ori ’ānimara

E tuha’a faufa’a rahi te ’ori nō te orara’a i Kiripati. Nō roto mai tā rātou mau ’ori i te hō’ē manu fenua, te ’ōtaha. E fa’atoro te feiā ’ori i tō rātou rima mai te pererau, ’a hā’uti’uti ai rātou.

E aha tā ’oe ’ānimara au roa ? ’A feruri e mea nāhea ’oia ’ia ha’uti. I muri iho, ’a fa’atupu i te hō’ē ’ori nā roto mai i taua ’ānimara ra. ’A ani i te tahi mau hoa ’ia ’āmui mai ia ’oe !

Tāpura hāmanira’a mā’a

Tihopu mautini ’e te ha’ari

1. Māni’i i te ma’a hinu ha’ari i roto i te hō’ē pāni iti. ’A tu’u atu 1 ’oniani tāpūpūhia ’e ’a tunu i ni’a i te auahi marū e tae roa ’ua ha’amata te ’oniani i te ’amaā’ura [doré].

2. ’A tu’u atu e 2 ’āu’a mautini rapuhia, e 2 ’āua ū ha’ari, ’e e 4 ’āu’a pape moa piha’a. Fa’arapu maita’i.

3. ’A ha’apiha’a i te tihopu, i muri iho ’a ha’amarū i te auahi ’e ’a vaiiho ai ’ia piha’aha’a noa e 20 minuti te maoro.

4. Mai te mea e hina’aro ’oe, ’a tu’u atu te miti, te pēpa, te re’a tinito, ’aore rā te tahi atu mau rā’au fa’ano’ano’a.

’Ia pāpū rā ē, e tauturu mai te hō’ē ta’ata pa’ari !

Mana’o ea maita’i

Fa’aha’uti’uti

E tāpe’a te fa’aha’uti’utira’a tino i te ea maita’i o tō ’oe māfatu, te mau uaua, ’e te mau ivi. E nehenehe ’oe e rave i te mau ’ohipa ’arearea i te mau mahana ato’a, nō te fa’aha’uti’uti i tō ’oe tino ’e e ha’apāmu i tō ’oe māfatu, mai te ’orira’a, te ravera’a i te ’ohipa tu’aro, ’aore rā te ta’ahira’a i te pereo’o ta’ata’atahi—te mea tā ’oe e hina’aro !