Përshëndetje nga Kiribati!

Mëso rreth fëmijëve të Atit Qiellor kudo nëpër botë.

Kiribati është një vend ishullor në Oqeanin Paqësor. Atje jetojnë rreth 120 000 njerëz.

33 Ishuj

Ilustrimet nga Robyn Brimley

Ishujt e vegjël të Kiribatit shtrihen në një sipërfaqe oqeani mbi 3,5 milionë km²! Vendndodhja e tij në glob e vë në zonën e parë orare ku sheh dritën e çdo dite të re.

Plazhet e Bukura

Kiribati është plot me plazhe me rërë dhe palma. Është ngrohtë gjatë gjithë vitit.

Shembuj të Shkëlqyer

Gati 20 përqind e njerëzve janë anëtarë të Kishës. Ata janë shembuj të mirë për të tjerët që jetojnë në ishuj.

Shko Peshko!

Duke qenë se rrethohen nga oqeani, njerëzit në Kiribati hanë shumë prodhime deti. Arra e kokosit, orizi dhe kungulli janë të zakonshëm gjithashtu.

Një Tempull në Ndërtim e Sipër

Në tetor 2020, Presidenti Rasëll M. Nelson njoftoi se do të ndërtohet një tempull në Kiribati. Ja çfarë pamje do të ketë.

Veprimtaria

Vallëzimi duke Imituar Kafshët

Vallëzimi është një pjesë e rëndësishme e jetës në Kiribati. Vallëzimet e tyre janë të frymëzuara nga zogu i tyre kombëtar, shqiponja e detit. Valltarët i shtrijnë krahët si krahët e zogut ndërsa lëvizin.

Cila është kafsha jote e parapëlqyer? Mendo se si lëviz ajo. Pastaj krijo një vallëzim të frymëzuar nga ajo kafshë. Kërkoju disa miqve që të bashkohen me ty.

Receta

Supa me Arrë Kokosi dhe Kungull

1. Hidh pak vaj kokosi në një tenxhere. Shto 1 qepë të prerë në kubikë dhe skuqe me nxehtësi mesatare derisa qepa të fillojë të marrë ngjyrë kafe.

2. Shto 2 gota pure kungulli, 2 gota qumësht arre kokosi dhe 4 gota lëng mishi pule. Përzieji mirë.

3. Zieje supën, pastaj ule nxehtësinë dhe lëre në temperaturë të ulët për 20 minuta.

4. Nëse dëshiron shtoji kripë, piper, xhinxher ose erëza të tjera.

Sigurohu që të të ndihmojë një i rritur!

Këshilla të Shëndetshme

Vihu në Lëvizje!

Ushtrimi fizik i mban të shëndetshme zemrën, muskujt dhe kockat. Mund të bësh çdo ditë gjëra zbavitëse që ta vësh trupin në lëvizje dhe që zemra të pompojë të tilla si të vallëzosh, të luash sporte ose të ngasësh një biçikletë – çfarëdo që të kesh qejf!