“Mulimuli ia Iesu i Cape Verde,” Uo, Me 2023, 20-21.

Mulimuli ia Iesu i Cape Verde

Feiloai ia Raissa!

E Uiga ia Raissa

Tausaga: 11

Mai le: Motu o Santiago, Cape Verde

Gagana: Potukale

Sini ma miti: Ina ia faaipoipo i le malumalu ma fai sona lava aiga

Aiga: Raissa, Tina, Tama, ma uso matutua e toalua

Auala e Mulimuli ai Raissa ia Iesu

Ina ua lima ona tausaga, sa saili e Raissa ma lona aiga se lotu e o i ai. O le taimi muamua lava na latou o ai i Le Ekalesia a Iesu Keriso o le Au Paia o Aso e Gata Ai, sa latou lagonaina le pei o i latou o ni tagata auai iina. Sa fiafia Raissa i le Peraimeri. Sa papatisoina lona aiga. Ma sa fiafia Raissa e fai afiafi faaleaiga i vaiaso taitasi.

Ina ua ono tausaga o Raissa, sa faamauina o ia ma lona aiga i le Malumalu o Recife Pasila.

Talu ai nei na alu ai Raissa i le faletatala mo le Malumalu o Praia Cape Verde. Sa ou faia ni mea taua e saunia ai e alu i le malumalu, e pei o le tatalo, alu i le lotu, suesue i tusitusiga paia, ma aoao i le talalelei,” o lana tala lea.

Ina ua uma ona faapaiaina le malumalu, sa mafai ona ia faia papatisoga mo ona tuaa o e na maliliu e aunoa ma le iloaina o le talalelei. “E ese le matagofie le malumalu,” o lana tala lea.

O Mea e Fiafia i ai Raissa

O se falelotu, vine, fugalaau lanuviole, ma se kalikuleita ma faailoga o le matematika

Nofoaga: O le fale o le Ekalesia

Mau: 1 Nifae 3:7

Fualaau aina po o fualaau faisua: Vine

Lanu: Lanuviole

Mataupu e sili ona fiafia ai i le aoga: Matematika