Sa Aoao Atu Iesu i totonu o le Malumalu

Aveese le itulau lenei ma gaugau faaafa. Ona uu lea i luga le ata a o e faamatalaina le tala.

Ina ua 12 tausaga o Iesu Keriso, sa latou o ma Maria ma Iosefa i Ierusalema.

I le latou agai atu i le fale, sa iloa ai e Maria ma Iosefa latou te le o o faatasi ma Iesu. Sa latou toe faanatinati atu i Ierusalema e su’e o Ia.

Sa su’e ma su’e e Maria ma Iosefa. Mulimuli ane, sa la maua Iesu i totonu o le malumalu. Sa Ia aoaoina tagata ma tali a latou fesili. Sa maofa tagata uma i le tele o Lona silafia e uiga i le talalelei. Sa faia e Iesu le galuega a le Tama Faalelagi e ui lava sa talavou o Ia.

E mafai foi ona tatou fesoasoani i le galuega a le Tama Faalelagi. E mafai ona tatou faasoa atu le talalelei. E mafai ona tatou aoao e uiga i le malumalu. O nei mea o le a fesoasoani ia i tatou e aoao ma tuputupu ae ai e pei ona sa faia e Iesu.