Talofa mai Cape Verde!

Aoao e uiga i fanau a le Tama Faalelagi i le lalolagi atoa.

Ata na tusia e Carolina Farías

O Cape Verde o se motu e lata i le talafatai o Aferika i Sisifo. Pe a ma le 480 afe tagata e nonofo ai iina.

Gagana

O le FaaPotukale o le gagana aloaia lea. E tautatala foi tagata i le gagana Cape Verdean Creole, po o le faaKriolu, lea e faavae i luga o le faaPotukale.

Maugamu

O Cape Verde e 10 ona motu, lea na faia mai maugamu. O le maugamu sili ona tele e ta’ua o Pico do Fogo. E 9,281 futu (2,829 m) le umi.

Tapuaiga

Pe tusa ma le 80 pasene o tagata o ni Katoliko. E tusa foi ma le 16 afe tagata auai o la tatou Ekalesia.

Musika

E fiafia tagata Cape Verde i musika! E masani lava ona latou pepese i le faaCreole, ma o a latou musika e fefiloi ai sitaili mai Potukale, Pasila, ma Aferika i Sisifo.

Malumalu o Praia

O le uluai malumalu o Cape Verde na faapaiaina i le tausaga ua te’a!

Gaoioiga

Taaloga e Faatala

O se taaloga lenei e mafai ona e taalo ai! E aluese se tagata e toatasi mai le potu. O isi e faamatalaina se tala e uiga i se tagata e alu e fagota i le sami. A o latou talanoa, latou te pasiina faataamilo se aitema i le tasi ma le isi. E faaiu lava i taimi uma le tala i upu, “ona pe ai lea o le tama’i i’a.” Po o ai lava o loo uuina le aitema pe a faaiu le tala na te nanaina i o latou tua. O le tagata na aluese e toe foi mai i totonu ma mate po o ai o loo i ai le aitema. Afai e sa’o le latou mate, o le tagata na i ai e aluese mai le potu. Afai e sese le latou mate, latou te toe aluese mai le potu ma toe amata le tala.

Fua o le Kuka

Cachupa (Sitiū FaaCape Verde)

1. Tipi le aniani e 1 ma tipa e 6 o le aniani saina. Ona kuka lea i totonu o se falai ma sina ga’o laitiiti.

2. Ave le aniani ma le aniani saina i se ulo lapoa. Faaopoopo i ai se apa tamato e 1, 1 le apa hominy po o le sana, ma le 2 apa pi fatu mumu.

3. Faaopoopo i ai le 2 pauna (1 okg) aano o manu fasi, e pei o le fasipuaa, sosisi, povi, po o le i’a.

4. Sasaa i ai ia lava se vai e faalilo ai mea uma o i totonu o le ulo. Faavaivai le vevela e kuka ai ia le i lalo ifo ma le lua itula.

Manatua: E tele auala e fai ai ni cachupa. E mafai ona e faaopoopoa i ai soo se ituaiga o aano o manufasi, pi, ma fualaau faisua pe a e manao ai!

Motugaafa Maloloina

Faipa Matagofie

O pi e tele naua lona faipa, lea e faamamaina mai i fafo ni siama o i totonu o oe ma fesoasoani ai i meaai ia faigofie ona fegasoloa’i i lou tino. E mafai foi ona e maua le faipa mai fatulaau uma, vine, ma nati.