“Uo Orikami,” Uo, Me 2023, 30–31.
Uo Orikami
E mafai faapefea e Ari ma ana uo ona fesoasoani ia Mrs. Franklin?
O lenei tala sa tupu i le ISA.
“Taimi o le malologa!” Na valaau mai ai le faiaoga a Ari.
Sa laina ia tamaiti o le vasega a Ari e o i fafo i le malae taalo. Peitai, o Ari ma ana uo e o i taimi uma i le potutusi. Sa latou fiafia e ave i tua ni tusi ma fai faatasi ni meataulima.
Ua leva ona faatalitali Kristin ma Ella i le faitotoa. Sa uu mai e Ari lana tusi ma se faaputuga pepa. Ona ia taitaia lea o le auala i lalo o le potu tele.
“Talosia ua toe faafoi mai le The Dragon Keeper’s Secret !” Sa fai atu ai Ari. “Ua tele vaiaso o o’u manao e ave i tua.”
Ina ua latou taunuu atu i le potutusi, sa talotalo atu teineiti ia Mrs. Franklin, le tagata e vaaia le potutusi a le aoga. Sa ia faafeiloaia i latou i taimi uma ma se ataata sagisagi fiafia. Ae o nei, sa tau le sagisagi fiafia mai.
Sa faaūū Ari a o ia tuuina lana tusi i luga o se laulau. “Pe na foliga faanoanoa ea Mrs. Franklin ia te oe?”
Sa faamimigi tauau o Kristin. “Atonu sa pisi o ia.”
“Masalo.” Sa nofo i lalo Ari ma toso mai i fafo se fasipepa. Sa ia gaugauina ma le faaeteete, ma faamafolafola le gagau i lona limamatua.
“O le a le mea o le a tatou faia nei?” O le fesili lea a Ella.
“Ae a ni faailogatusi?” Sa fai atu ai Ari. “E faigofie lava. O le a ou faaali atu ia te oulua.”
Sa aoao e Ari le faiga o le orikami. O se ituaiga o faatufugaga mai Iapani, na faia e ala i le gaugauina o pepa i ni siepi eseese. Sa iloa e Ari le auala e faia ai ituaiga siepi uma, ma sa ia aoaoina ana uo i mea sa ia iloaina.
Sa faaali atu e Ari ia Kristin ma Ella le auala e fai ai gagau taitasi. E lei umi ae tofu uma i latou ma se tama’i faailogatusi faatafafa.
“E alu i le tulimanu, e pei o lenei.” Sa susue e Ari lana tusi ma tuu le faailogatusi i luga o le tulimanu o se itulau.
“Manaia!” Sa uu mai e Kristin se isi pepa. “Ou te toe fia faataitaia na o a’u.”
A o latou galulue, sa latou talanoa e uiga i tusi sa latou faitauina ma tusi sa latou mananao e sosoo le faitauga. Sa toe tilotilo atu Ari ia Mrs. Franklin. Sa foliga faanoanoa pea o ia.
E lei umi ae tu Mrs. Franklin i le latou laulau.
“Talofa, teine.” Sa ia tuuina se tusi i luga o le laulau. O le tusi i le tausi tarako! “E mo oe lea, Ari. Ou te iloa sa e faatalitali e faitau i ai.”
“Faafetai lava!” Sa uu mai e Ari.
Sa mapuea Mrs. Franklin. “Sa gaoia e se tagata la’u taavale ananei. Sa latou aveina uma a’u tusi ma musika.
“Ta’i leaga!” Sa fai atu ai Kristin.
Sa ataata faanoanoa atu Mrs. Franklin ia i latou. “Ia, ua na o ni mea. O mea e mafai ona toe suia. Pau le mea ua ou fiafia e leai se tasi na afaina ai.”
Sa tilotilo atu Ari ia Mrs. Franklin o savali ese atu.
“Maimau pe ana mafai ona tatou faia se mea e fesoasoani ai,” o le tala lea a Ella.
Sa tilotilo ifo Ari i le faailogatusi orikami sa i ona lima. “Masalo tatou te mafaia!”
“E pei o le a?” O le fesili lea a Kristin.
Sa ataata Ari. “O mai i lo’u fale pe a tuua le aoga. E i ai so’u manatu.”
O le aso na sosoo ai, na o atu ai Ari, Kristin, ma Ella i le potutusi i le taimi o le latou malologa, e pei ona latou faia i taimi uma. Ae o le taimi lea, latou te lei aumaia na o ni tusi. Sa ia i latou se mea faapitoa mo Mrs. Franklin.
“Na matou faia mea nei mo oe!” Sa tuu atu e Ari ia Mrs. Franklin se ato. “Matou te iloa e le mafai ona matou suia mea uma na gaoia, ae sa matou manatu o nei mea e ono faafiafiaina ai oe.”
Sa tilotilo Mrs. Franklin i totonu o le ato. Sa tumu i orikami—faailogatusi, i’a, fatu, pepe lele. Sa ataata tele o ia.
“Oka se ofoofogia o lenei mea! Faafetai tele lava.” Sa ia uu mai se orikami mai le ato. Sa gaugauina e fai ai se tamai tusi. “O le a ou faaaogaina lenei tama’i api talaaga e tusi ai ou mafaufauga fiafia laiti uma!”
Sa toe ataata atu i ai Ari. E mafai lava ona ia faia i taimi uma se mea manaia mo isi—e tasi le gagau o le pepa i le taimi.
Ata na tusia e Brian Martin