“O tali e uiga i le Malumalu,” Uo, Me 2023, 38–39.

O tali e uiga i le Malumalu

E faape’ī totonu o le malumalu?

O le malumalu o le maota o le Alii. E mama ma matagofie totonu. E ofu papae tagata uma ma taumafai ia migao. O se nofoaga filemu e tapuai ai i le Atua, aoao, ma lagona le alofa o le Faaola e ala i le Agaga Paia.

O a mea e fai e tagata i totonu o le malumalu?

O se ata o se teineitiiti ma se tamaitiiti i talaane o se ata o o la’ua tuaa

I totonu o le malumalu, tatou te aoao ai e uiga i le fuafuaga a le Atua ma osi feagaiga ma Ia. Tatou te faia lenei mea e ala i le auai i sauniga e pei o papatisoga, faamauga, ma le faamauina i o tatou aiga.

O a ofu ou te ofuina pe a ou alu i le malumalu?

O se tamaitiiti i se suti ma se fusiua i autafa o se tamaitiiti i se ofu paepae soloatoa

E tatau ona e ofuina ou ofu sili ona lelei i le malumalu. O le taimi lava e te i ai i totonu, o le a e sui i ni ofu faapitoa e fai ai sauniga. Mo papatisoga, o le a tuuina atu e tagata faigaluega o le malumalu ia te oe se ofu soloatoa paepae e ofuina.

O le a le pepa faataga o le malumalu?

O se tamaitiiti o loo ataata ma ave se kata

O se pepa faataga o le malumalu o se tama’i fasi pepa lea e mafai ai ona e ulu atu i le malumalu. E mafai ona e maua se pepa faataga mai se sui o la outou au epikopo po o le au peresitene o le paranesi. O le a ia fesili atu ia te oe pe e te tausia poloaiga ma pe i ai sau molimau. Afai e te agavaa ma sauni e ulu atu i le malumalu, o le a ia tuuina atu ia te oe se pepa faataga o le malumalu.

O le a le uiga o le faia o papatisoga mo e ua maliliu?

O se teineitiiti o loo papatisoina i se faatanoa vai o le papatisoga i le malumalu

I le malumalu e mafai ona e papatiso mo tagata o e ua maliliu ae le’i papatisoina. O le a e ofuina ni ofu papae ma faatofuina (fufui atoa i lalo) i le vai.