O Tusigamanatu o le Konafesi

O ata na tusia e Josh Talbot

Tatou te talitonu ia Keriso

Na saunoa mai Peresitene Oaks tatou te talitonu ia Iesu Keriso. Sa ia faitauina le tele o mau e uiga i le fetalaiga a Iesu i Lona soifuaga ma ina ua Ia asiasi atu i sa Nifae. E tatau ona tatou suesue i afioga a Iesu e taiala ai i tatou i o tatou olaga.

O lea mea ua aoaoina ai a’u:

Toe Faatasi Ma Iesu

Sa faamatala e Elder Stevenson e uiga i ni tamaitai se toalua ua maliu lo la aunty. Sa fesili atu le faletua o Elder Stevenson, o Lesa, pe o a mai i laua. Sa la faanoanoa, ae sa la faasoa atu la la’ua molimau ia te ia. Sa la’ua iloa sa fiafia lo la aunty ma ua mafai ona faatasi ma Iesu. O le faatuatua ia Iesu Keriso ma le ola e faavavau e faamafanafanaina ai i tatou.

O lea mea ua aoaoina ai a’u:

Molimau i luga o se Pasi

Sa saunoa Elder Corbitt e uiga i se tamaitai sa ia talanoa i ai i se tietiega pasi. Sa ia fesili mai pe aisea na ia talitonu ai ia Iesu Keriso. Sa le mautinoa o ia i se tala e fai atu. Ona ia filifili lea e taulai atu i mea e sili ona taua. Sa ia tau atu ia te ia tatou te manaomia Iesu e fesoasoani ia i tatou e toe foi atu i le Tama Faalelagi. E mafai foi ona faasoa atu a tatou molimau.

O lea mea ua aoaoina ai a’u:

Tauaveina o Maa

Sa faasoa mai e Sister Johnson le faigata o mea i le olaga e pei o le tauaveina o se atofaafafa e tumu i maa. Tatou te tauaveina maa ona o a tatou agasala, o le agaleaga o isi, ma luitau o le olaga. E fesoasoani Iesu Keriso e aveese a tatou atofaafafa pe afai tatou te liliu atu ia te Ia. E mafai foi ona tatou fesoasoani e faamama atofaafafa a isi e ala i le tausia o i latou e pei ona faia e Iesu.

O lea mea ua aoaoina ai a’u: