O Se Savali o le Konafesi mai le Perofeta
Ia Avea ma Sē Faatupuina le Filemu
Sii mai le “Ua Manaomia i Latou e Faatupuina le Filemu,” Liahona, Me 2023.
I le avea ai o ni soo o Iesu Keriso, e tatau ona avea i tatou o faaa’oa’o o le ala e fegalegalea’i ai ma isi. O se tasi o ala aupito faigofie e faailoa ai se soo moni o Iesu Keriso o le ala e taulima ai ma le agaalofa e lena tagata isi tagata.
Na faamanino mai e le Faaola lenei mea. “Amuia e faatupuina le filemu,” na Ia fetalai ai (Mataio 5:9; tagai foi 3 Nifae 12:9). O Ona soo moni e atia’e, siitia, faamalosiau, faasufi, ma musuia—po o le a lava le faigata o le tulaga. O soo moni o Iesu Keriso o tagata e faatupuina le filemu.
E matuā taua lava le auala tatou te taulima ai e le tasi le isi! O le ala tatou te tautatala atu ai i isi ma e uiga i isi i le fale, i le lotu, i le galuega, ma upega tafa’ilagi e taua tele. E mafai ona tatou suia totino le lalolagi—tasi le tagata ma tasi le fegalegalea’iga i le taimi.
O eseesega o manatu o se vaega o le olaga. Se’i o tatou faaali atu e i ai se auala filemu ma faaaloalogia e foia ai faafitauli lavelave ma se ala a’oa’oina e soalaupule ai ni feeseesea’iga. Tatalo ia maua le lototele ma le poto e ta’u atu ai pe faia le mea semanu Na Te faia.
Ou te uuna’ia outou ia filifili e avea o sē e faatupuina le filemu, i le taimi nei ma aso uma.
“Ua Ia Fetalai Atu, ma Aoao ia Te i Latou” saunia e Michael Malm
E Mafai Ona Tatou Suia le Lalolagi
Na saunoa mai Peresitene Nelson o mea tatou te faia ma tautatala ai e matuai taua lava! I avanoa o loo i lalo, tusi ai mea e mafai ona e fai atu ai e fesoasoani ai e aumaia le filemu.
O le a se mea e mafai ona e fai atu ai i se tasi o faanoanoa?
O le a se mea e mafai ona e fai atu ai pe a ave e se tasi au mea?
O le a sau tala e fai atu pe a agaleaga se tasi ia te oe?