“Usa ka Gamayng Binuhatan nga adunay Dakong mga Panalangin,” Higala, Hunyo 2023, 2–3.
Gikan sa Unang Kapangulohan
Usa ka Gamayng Binuhatan nga adunay Dakong mga Panalangin
Gikan sa “Always Have His Spirit,” Ensign, Nob. 1996, 59–61.
Dihang gibunyagan kita, atong gipakita nga kita andam sa pagdala nganhi kanato sa ngalan ni Jesukristo. Kita misaad usab sa paghimo sa Iyang buhat ug paghupot sa Iyang mga sugo. Ang mga naghupot sa pagkapari mipandong sa ilang mga kamot diha sa atong mga ulo aron sa pagpanalangin kanato sa gasa sa Espiritu Santo.
Sa matag higayon nga kita moambit sa sakramento, atong gibag-o ang atong mga gisaad sa bunyag. Kita mangandam pinaagi sa paghinulsol sa sayop nga mga butang nga atong nahimo. Kita maghunahuna mahitungod ni Jesukristo. Ug kita mosaad sa paghinumdom Kaniya.
Kon kita mohimo niini nga mga butang, ang Ginoo mopasaylo nato. Siya misaad usab nato nga kon kita maghupot sa Iyang mga sugo, kita sa kanunay makabaton sa Espiritu Santo uban kanato. Ang Espiritu Santo mao ang atong tighupay, atong tighinabi, ug atong giya balik ngadto sa Langitnong Amahan.
Ang sakramento tingali morag usa ka gamay ra nga binuhatan. Apan mohatag kini kanato og daghang panalangin. Ako nag-ampo nga kita sa kanunay makabaton niini nga mga panalangin.
Mga Tubag sa Sakramento
Nasuwayan ba ninyo nga maminaw og maayo sa mga pag-ampo sa sakramento? Ipares ang mga pangutana ngadto sa mga tubag sa ubos. (Mahimo ninyong basahon ang mga pag-ampo diha sa Doktrina ug mga Pakigsaad 20:77, 79.)
-
Unsay atong hinumdoman?
-
Unsay atong gisaad?
-
Unsa nga mga panalangin ang gisaad sa Ginoo nato?
-
Ang lawas ug dugo sa Manluluwas
-
Nga kita sa kanunay makabaton sa Iyang Espiritu uban kanato
-
Sa pagdala nganhi kanato sa ngalan ni Jesus, sa kanunay mohinumdom Kaniya, ug maghupot sa Iyang mga sugo
Sa wala: paghulagway pinaagi ni Apryl Stott; sa tuo: mga paghulagway pinaagi ni Beth Whittaker