“Usa ka Pag-ampo alang sa Paghupay,” Higala, Hunyo 2023, 28.
Imong Sinulat
Usa ka Pag-ampo alang sa Paghupay
Paghulagway pinaagi ni Amanda Smith
Dihang namatay ang usa ka suod kaayo nga higala sa pamilya pipila ka bulan ang milabay, naguol kaayo ko. Mibati ko nga morag dunay dako, nga haw-ang sa akong tiyan. Abi nako og dili na gyod to mawala.
Apan sa adlaw dihang si mama misulti nako ug sa akong pamilya nga ang among higala namatay, dili lang ako ra ang naguol. Nabalaka kaayo ko mahitungod sa iyang pamilya ug kon unsa sila kaguol. Kon naguol ko, sigurado nga ang iyang pamilya mibati og liboan pa ka pilo nga kaguol.
Nianang gabhiona militok ko og pag-ampo. Mihangyo ko nga maayo ra unta ang pagbati sa among mga higala ug mobati og kahupayan. Mao pod ang akong gihangyo para sa akong pamilya.
Human ko nag-ampo, akong gibati ang kainit nga mikuyanap. Nasayod ko nga ang Espiritu Santo mao ang naghupay kanako. Nasayod ko nga ang tanan mamaayo ra. Ang kahaw-ang sa akong tiyan nawala na, ug nasayod ko nga ikakita nako pag-usab ang akong higala ugma damlag.