“Usa ka Maze bahin sa Media,” Higala, Hunyo 2023, 24–25.
Usa ka Maze bahin sa Media
Mga paghulagway pinaagi ni Kelly Smith
Ang Espiritu Santo makagiya kanimo matag adlaw samtang ikaw mopili sa unsay tan-awon, basahon, ug paminawon. Pangitaa ang imong agianan subay sa maze aron makita kon unsaon!
Ang makapadasig nga media makapabati nimo og kalipay ug kalinaw. Kini makatabang nimo sa pagtinguha sa paghimo og maayo nga mga butang. Kadto nga mga pagbati nagagikan sa Espiritu Santo. Ikaw makapaambit usab og makapadasig nga mga ideya ngadto sa uban!
Ang pagkakuryoso normal ra. Apan ang pagbati nga gusto nimong itago kon unsay imong gitan-aw o magtipig og mga sekreto mahimong usa ka pasidaan sa paghunong.
Pakigsulti ngadto sa usa ka hamtong kon ikaw nakakita og mga pulong o mga hulagway nga sa imong pamati dili maayo. Kanang pagbati sa pasidaan nagagikan sa Espiritu Santo! Kon ikaw nakakita og usa ka butang nga daotan, kana dili makapahimo nimo nga daotan.
Dili tanan nga imong nakita o nabasa tinuod. Ang Espiritu Santo motabang nimo nga masayod unsay tinuod. Duol ngadto sa mga tawo o mga dapit nga imong masaligan kon mangita ka og impormasyon.
Ang imong lawas usa ka gasa gikan sa Dios. Nindot ang imong bation kon ikaw motan-aw ug mobasa og mga butang nga nagpakita og pagtahod alang sa imong lawas ug alang sa uban.
Pangita og mga salida, mga dula, ug mga basahon nga nagpakita og maayong mga ehemplo. Ang mga tawo ba nga anaa niini nagsulti ug nagtratar sa uban sa mabinationg paagi?
Ang Espiritu Santo makatabang nimo nga masayod kon unsaon nga magamit sa labing maayo ang imong panahon. Migahin ka ba og dako kaayong panahon sa usa ka butang? Unsa kaha ang mas maayo nga butang nga mahimo nimong buhaton?