Dali, Sunod Kanako nga mga Kalihokan

Alang sa home evening o pagtuon sa kasulatan—o lingaw-lingaw lamang!

Telepono sa Higala

Usa ka batang lalaki ug batang babaye nga nagsultihanay gamit ang telepono nga hinimo sa baso nga gikutayan og hilo

Mga paghulagway pinaagi ni Katy Dockrill

Alang sa Juan 14–17

Istorya: Gitudloan ni Jesus ang Iyang mga disipulo mahitungod sa Espiritu Santo. Ang Espiritu Santo makahupay ug makatudlo kanato. Makatabang Siya nga kita mahibalo sa unsay eksakto. (Tan-awa sa Juan 14:26.)

Awit: “Ang Malinawon nga Gamay nga Tingog” (Songbook sa mga Bata, 141)

Kalihokan: Adtoa ang pahina 8 alang sa paghimo og baso nga telepono. Hisgoti kon sa unsang paagi ang Espiritu Santo makatabang nato sa pagkadungog sa unsay gustong itudlo kanato sa Langitnong Amahan.

Paghinumdom kang Jesus

Usa ka batang babaye nga nag-paint og litrato ni Jesus

Alang sa Lucas 22; Juan 18

Istorya: Basaha ang istorya bahin ni Jesus nga nanalangin sa sakramento diha sa Lucas 22:14–20 o sa pahina 46.

Awit: “Nagtahod, Naghilom” (Songbook sa mga Bata, 26)

Kalihokan: Pagdrowing og litrato ni Jesus. Unsay inyong buhaton aron makahunahuna mo bahin ni Jesus kon moambit mo sa sakramento karong Dominggo?

Mga Simbolo sa Pagkabanhaw

Usa ka bato, piraso sa pula nga panapton, lansang, ug tuod sa kahoy

Alang sa Mateo 27; Marcos 15; Lucas 23; Juan 19

Istorya: Gitugyan ni Jesus ang Iyang kinabuhi alang nato tungod kay Siya nahigugma kanato. Kay Siya nabanhaw man, mao usab kita.

Awit: “Mipadala sa Bugtong Anak” (Songbook sa mga Bata, 20–21)

Kalihokan: Pundoka kining mga butanga: lansang, piraso nga kahoy, piraso nga panapton, ug bato. Ipasa kini palibot samtang basahon ninyo ang Juan 19:17–19 ug ang Mateo 27:57–60. Nganong mapasalamaton man kamo kang Jesus?

Tanan sa tibuok Kalibotan

Usa ka batang lalaki ug babaye nga nagtan-aw sa mapa sa kalibotan

Alang sa Mateo 28; Marcos 16; Lucas 24; Juan 20–21

Istorya: Human sa pagkabanhaw ni Jesus, gisultihan Niya ang Iyang mga disipulo sa “[pagtudlo sa] tanang katawhan sa tibuok kalibotan” mahitungod sa Iyang ebanghelyo (Mateo 28:19). Karon ang mga misyonaryo nagpaambit sa ebanghelyo sa tibuok kalibotan.

Awit: “Among Dad-on sa Kalibotan ang Iyang Kamatuoran” (Songbook sa mga Bata, 92–93)

Kalihokan: Suhira kini nga kopya sa Higala. Pila man ka ngalan sa nasod ang inyong makit-an? Pagpili og usa ka nasod nga kat-onan pa og dugang. Puwede kamong magsugod og “Hello gikan sa Portugal” diha sa pahina 18.

Adtoa ang pahina 49 alang sa Dali, Sunod Kanako nga mga kalihokan alang sa mas gagmay nga mga bata.