Makalingaw nga Buhaton

Painting Gamit ang Asin

Paghulagway ni Thomas S. Child

Si Jesukristo miingon ngadto sa Iyang mga disipulo, “Kamo ang asin sa katawhan” (Mateo 5:13). Ang asin usa ka butang nga ordinaryo nga mahimong gamiton alang sa daghang maanindot nga mga butang. Himoa kini nga painting ug hunahunaa ang pipila ka maanindot nga mga butang nga imong mahimo uban sa tabang sa Dios!

Magkinahanglan ka og:

• asin

• liquid glue

• baga nga papel

• watercolor paint ug paintbrush

1. Sa usa ka piraso nga papel, gamita ang glue sa pagdrowing og usa ka hulagway. Mahimo nimong drowingon ang bisan unsa nga imong gusto!

2. Ibubo ang asin diha sa papel. Sulayi og butang og daghang asin ngadto sa glue kutob sa mahimo. Itaktak ang wala mopilit nga asin ngadto sa panaksan.

3. Balika ang ika 2 nga lakang hangtod nga ang glue matabonan sa asin.

4. Ilunod ang paintbrush ngadto sa watercolor ug ihinay-hinay og badlis ang paintbrush sa imong desinyo nga asin. Ang kolor kinahanglang mokatap diha sa asin. (Kon mas tubigon ang imong pintal, mas nindot ang kolor nga mokatap.)

5. Paugaha ang imong painting sa tibuok gabii.