Nakakita Ka Ba Ni Jesus?

Ni April Craig

(Gibase sa usa ka tinuod nga istorya)

Kini nga istorya nahitabo sa USA.

Init kaayo. Mora kog matunaw!

Ayaw kabalaka, hapit na kita moabot.

Nindot kaayo ang hangin.

Mas maayo kini!

Lola, nahigugma ka ba ni Jesus?

Oo! Gihigugma gayod nako si Jesus.

Ako pod. Unta makakita ko Niya. Aron mahibaloan nako nga Siya tinuod.

O palangga, si Jesus tinuod gayod. Tinuod Siya nga tawo, sama nimo ug nako.

Apan giunsa man nimo pagkahibalo? Nakakita ka ba ni Jesus?

Wala. Apan mabati nako Siya matag adlaw.

Nakahinumdom ka ba sa hangin nga atong nabati samtang naglakaw kita?

Nindot kaayo kini! Init kaayo, apan ang hangin bugnaw.

Dili kita makakita sa hangin. Apan mabati nato kini. Ug bisan kon wala kita makakita ni Jesus, mabati gihapon nato ang Iyang gugma.

Sa unsang paagi nga mabati nato Siya?

Mabati nako ang Iyang gugma kon magtan-aw ko sa Iyang matahom nga mga nilalang. Makita nako ang Iyang gugma diha sa mga bulak.

Makita nako ang gugma diha sa mga suba nga iyang gilalang.

Ug makita nako ang Iyang gugma kon magtan-aw ko nimo!

Mahimo ba kong motabang nimo sa pagpangita ni Jesus pag-usab ugma?

Siyempre!