Bag-ong Tugon

Dali, Sunod Kanako nga mga Kalihokan alang sa Gagmay nga mga Bata

Alang sa Juan 14–17

Hunghong og “Gihigugma ko ikaw” ngadto sa inyong gagmay nga bata. Sultihi sila nga ang Espiritu Santo mohunghong og mga pulong sa gugma ug kamatuoran ngari sa atong mga kasingkasing ug mga hunahuna. Kita dili kanunay nga makadungog niini sa atong mga dunggan, apan kini mopabati nga kita gihigugma ug luwas.

Alang sa Lucas 22; Juan 18

Kantaha ang “Maninguha Kong Mahimong Mahisama Kang Jesus” (Songbook sa mga Bata, 40–41) uban sa inyong gagmay nga mga bata. Hatagi sila og hulagway ni Jesus aron gunitan. Sultihi sila sa pagpataas niini sa matag higayon nga makadungog sila og “Jesus” diha sa kanta. Dayon tabangi sila sa pagsulti og, “si Jesus nahigugma nako.”

Alang sa Mateo 27; Marcos 15; Lucas 23; Juan 19

Tabangi ang inyong gagmay nga mga bata sa pagsulti og, “Ako makapasaylo sa uban sama sa gihimo ni Jesus.” Ipasabot nga kon kita mopasaylo, kita motabang sa paghimo niini nga sakto. I-aksiyon ang pipila ka sitwasyon bahin sa mga higayon nga ang usa ka tawo tingali manginahanglan og pagpasaylo, sama sa human makaguba og dulaan. Tabangi ang inyong gagmay nga mga bata sa paghunahuna kon unsay ilang isulti.

Alang sa Mateo 28; Marcos 16; Lucas 24; Juan 20–21

Sultihi ang inyong gagmay nga mga bata mahitungod sa usa ka sakop sa pamilya nga namatay. Pagpakita og usa ka litrato kon aduna mo. Ipasabot nga ang mga tawo mamatay, apan dili kana ang kataposan. Tabangi sila sa pagsulti og, “Kita mabuhi pag-usab human sa atong pagkamatay, sama sa gihimo ni Jesus.”