Kumusta gikan sa Portugal!

Kat-oni ang mahitungod sa mga anak sa Langitnong Amahan sa tibuok kalibotan.

Mga paghulagway pinaagi ni Macky Pamintuan

Ang Portugal usa ka nasod sa southwest Europe. Mga 10 milyon ka tawo ang nagpuyo didto.

Nindot nga mga Tile

Daghang building sa Portugal adunay dekorasyon nga mga tile nga gitawag og azulejos nga naghimo og mga sumbanan o mga hulagway.

Adlaw ug Surf

Ang Portugal nahimutang tupad sa Atlantic Ocean, busa aduna kini daghang nindot nga mga baybayon. Ang surfing mao ang sikat nga kalihokan sa ting-init.

Ang Simbahan sa Portugal

Ang mga misyonaryo unang miabot didto sa Portugal niadtong 1974. Karon ang Portugal aduna nay mga 45,000 ka miyembro sa Simbahan.

Lamian nga Pagkaon

Ang mga tawo sa Portugal kanunay nga mokaon og mga pagkaon gikan sa dagat ug karne gamit ang lana sa olibo, presko nga mga utanon, ug mga lamas. Daghan sa mga pagkaon naglakip usab sa humay, mga patatas, o pan.

Lisbon Temple

Ang unang templo sa Portugal gipahinungod niadtong 2019.

Kalihokan

Barra do Lenço

Niini nga dula, ang duha ka grupo mag-atubangay diha sa usa ka dakong luna. Ang matag magdudula hatagan og numero nga parehas sa numero sa usa ka magdudula sa pikas nga grupo. Ang usa ka tawo mobarog sa tunga nga maggunit og usa ka piraso nga panapton. Kon sila motawag og usa ka numero, ang mga magdudula nga aduna niana nga numero modagan ngadto sa tunga ug labnihon ang panapton. Kon makuha sa magdudula ang panapton, ang ilang grupo makapuntos. Kon ang magdudula madakpan, ang pikas nga grupo ang makapuntos.

Resipe

Portuguese nga Kan-on nga may Kamatis

1. Ibubo ang 1/4 tasa sa lana sa olibo ngadto sa kaldero. Hiwaon ang 1 ka sibuyas ug 2 ka lusok nga ahos. Lutoa sa eksaktong kainiton sulod sa pipila ka minuto.

2. Dugangi og 1 ka tasa nga kan-on, 2 ka tasa nga gihiwa-hiwa nga mga kamatis, ug 1 ka tasa nga sabaw sa manok. Kon ganahan ka, dugangi og asin, paminta, mga chili flake, ug mga dahon sa laurel.

3. Pabukala. Dayon taboni ang kaldero. Pahinayi ang kainiton sulod sa 20 minutos.

4. Ukaya ang kan-on gamit ang tinidor. Kuhaa ang mga dahon sa laurel kon naggamit ka niini.

Siguroha nga dunay hamtong nga motabang!

Sugyot sa Kahimsog

Usa ka Balanse nga Diyeta

Ang fat usa ka nutrisyon nga gikinahanglan sa imong lawas. Ang gamay nga gidaghanon niini usa ka importante nga bahin sa himsog nga diyeta. Ang mga pagkaon sama sa isda, lana sa olibo, mga mani, ug mga abokado mao ang himsog nga mga kapanguhaan sa fat.