Tō’u ’ē’a nō te fafaura’a

Fa’aro’o i te Vārua Maita’i

E mau ha’amaita’ira’a fa’ahiahia mau tā te Metua i te ao ra nō ’oe, i te roara’a o tō ’oe ’ē’a ho’ira’a iāna ra !

E hōro’a mai te Vārua Maita’i i te mau poro’i nō ’ō mai i te Metua i te ao ra ra. E parauhia te reira te heheura’a. ’Ua fāri’i a’enei ’oe i te tahi mana’o māhanahana ’e te ’oa’oa ’a hīmene ai i roto i te Paraimere ? ’E ’aore rā, ’ua mana’o ’oe e tauturu i te tahi ta’ata ? Taua mau mana’o ra i ferurihia ’e i putapūhia, nō ’ō mai ïa i te Vārua Maita’i ! ’A ui i teie mau uira’a nō te tauturu ’ia ’ite ē, e aha te taime te Vārua Maita’i e paraparau mai ai ’ia ’oe.

Heheura’a : E poro’i nō ’oe nō ’ō mai i te Atua ra. E mea pinepine te reira i te tae mai mai te tahi mana’o i te ferurira’a, ’aore rā i te ’ā’au, nō ’ō mai i te Vārua Maita’i ra.

Tē putapū ra ānei au i te Vārua Maita’i ?

Faʼahōhoʼaraʼa nā Brooke Smart

• Tē tauturu ra ānei te mana’o i tō’u ferurira’a ’e i tō’u ’ā’au, ’ia ha’afātata atu ā i te Metua i te ao ra ? (Hi’o Te Ha’api’ira’a Tumu ’e te mau Fafaura’a 8:2.)

• Tē parau ra ānei te mana’o i tō’u ferurira’a ’e i tō’u ’ā’au, ’ia rave i te tahi ’ohipa maita’i ? (Hi’o Moroni 7:13.)

• E mana’o hau ānei ’e te ’oa’oa ’e te here i tō’u ’ā’au ? (Hi’o Galatia 5:22.)

Te hō’ē taime ’ua putapū vau i te Vārua Maita’i :