Mau ʼāʼamu nō Iesu

’Ua fa’aora ’o Iesu Mesia i te hō’ē ta’ata

’A tātara i teienei ’api ’e ’a tūfetu i te reira nā te ’āfara’a. I muri mai, ’a tāpe’a i te hōho’a ’a fa’ati’a ai ’oe i te ’ā’amu.

Fa’ahōho’ara’a nā Sam Lawlor

I te hō’ē mahana, ’ua ’ite ’o Iesu Mesia i te hō’ē ta’ata matapō. ’Ua mana’o vetahi mau ta’ata ē, ’ua ha’amatapō te Atua i teie ta’ata nō te fa’autu’a iāna. « Nā vai te hara, nāna iho ānei, ’e nā nā metua ānei » ?, ’ua ui rātou.

’Ua parau ’o Iesu ē, e ’ere te matapō o taua ta’ata ra i te tahi fa’autu’ara’a. « E ’ere i tō te hara a teie nei ta’ata ’e te hara a nā metua ra », i parau ai ’oia ra.

’Ua tu’u ’o Iesu i te ’araea i ni’a i te mata o taua ta’ata ra. I muri iho ’ua parau atu ra i taua ta’ata ra ’ia horoi i tōna mata i roto i te hō’ē ’āpo’o pape. I tō te ta’ata ravera’a i te mea tā Iesu i parau ra, ’ua ora tōna ma’i ! ’Ua ti’a i taua ta’ata ra ’ia ’ite.

I te tahi mau taime e tupu mai te mau ’ohipa pa’ari i ni’a ia tātou. E nehenehe ’o Iesu Mesia ’e te Metua i te ao ra e tauturu ia tātou ’ia ha’api’i, ’ia tupu i te rahi, ’e ’ia fāri’i i te hau. ’Ua here rāua ia tātou ’e tē hina’aro nei rāua i te ha’amaita’i ia tātou !

E nehenehe ’outou e tai’o i teie ’ā’amu i roto i te Ioane 9:1–11.