E aha tā ’oe e mana’o ra ?

E au ra iā’u ē, e rave rahi mea e taui ra ’e ’aita vau i ineine. Nō te aha ’aita te mau mea e nehenehe e vai noa ?

—Pāpa’ihia e Taure’are’a nō Granada

Fa’ahōho’ara’a nā Pauline Gregory

E Taure’are’a ē,

’A feruri na i te hō’ē ’ā’ai rēhiti (aventure) tā ’oe i au roa. ’Ua ti’a i te mau ’aito e fa’aruru i te tahi mau tauira’a rahi ’e te mau tāmatara’a rahi, hou ’a tāpae ai rātou i tā rātou fā, ’ere ānei ? Mai te mea ’aita e tauira’a nō rātou, ’aita ïa e ’ā’ai rēhiti ! ’Aita e hope’ara’a ’oa’oa !

E mea faufa’a ato’a te tauira’a nō tō ’oe ’ā’amu. Te fāri’ira’a i te ’oto, te ha’ape’ape’ara’a ’e te ri’ari’a e ’ohipa mātarohia. ’A ha’amana’o rā ē, e ’aito ’oe nō tō ’oe iho ’ā’amu. ’Ua riro te tauira’a tāta’itahi ’ei rāve’a nō te ha’api’i mai ’e nō te tupu i te rahi. ’E e tauturu mai te Metua i te ao ra ia ’oe.

’Ia manuia ’oe i roto i tō ’oe ’ā’ai rēhiti !

Te Hoa

’A tomo i roto i te vairua ’ā’ai rēhiti ma te pāpa’i hōho’ara’a ia ’oe ’ei ’aito nō te ’ā’ai rēhiti !