Fa’ata’ara’a nō te ’āmuira’a

Te tauturu nō ’ō mai i te Vārua Maita’i

’Ua parau te peresideni Eyring ē, tē ’ite ra ’oia e fa’aitoitohia ’oia ’ia tai’o ana’e ’oia i te ’ā’amu o Nephi i te fa’ari’ira’a i te mau ’api veo ia Labana ra. ’Aita o Nephi i ’ite pāpū e aha te mea e rave, ’ua arata’ihia rā ’oia i te mau taime ato’a e te Vārua Maita’i. ’Ia ani ana’e mai te Fatu ia tātou ’ia rave i te hō’ē ’ohipa pa’ari, e tauturu ato’a mai te Vārua Maita’i ia tātou.

E ha’api’i te reira iā’u :

’Ia ha’amana’o ʼo vai ʼoe

’Ua ani manihini mai Elder Stevenson ia tātou ’ia fa’aea i te mau taime ato’a ’a hi’o ai tātou ia tātou iho i roto i te hi’o ’e ’ia parau : « Waoo, ’a hi’o na iā’u ! E mea fa’ahiahia vau ! E tamari’i au nā te Atua ! ’Ua ’ite ’oia iā’u ! ’Ua here ’oia iā’u ! » E tauturu te reira ia tātou ’ia ha’amana’o ’o vai mau tātou ’e e nāhea te Atua ’e te Vārua Maita’i e nehenene ai e tauturu ia tātou.

E ha’api’i te reira iā’u :

Te fa’aro’o ia Iesu Mesia

’Ua fa’ati’a mai Elder Costa i te ’ā’amu, i te taime ’a tāmarū ai Iesu Mesia i te vero. Tē vai nei tō tātou pā’āto’a mau vero, ’aore rā mau tāmatara’a fifi i roto i te orara’a. ’Aita rā e ti’a ia tātou ’ia fa’aruru i te reira tātou ana’e. Te roa’ara’a te fa’aro’o ia Iesu Mesia, e hōro’a mai ia tātou i te mana ’e te hau ’o tā tātou e hina’aro nō te fa’aruru noa atu te huru o te vero.

E ha’api’i te reira iā’u :

’Ia haere nā ni’a i te ’ē’a ’e ’ōna

’Ua fa’ati’a mai te peresideni Freeman i te hō’ē ’ā’amu, ’a hina’aro ai ’oia e haere e māta’ita’i i te hō’ē ’ē’a ta’a ’ē, noa atu ’ua pēpē tōna mōmoa ’āva’e. ’Aita e ti’a iāna e haere nā ni’a i te ’ē’a ’o ’ōna ana’e, nō reira ’ua tauturu te ta’ata arata’i iāna. Mai te ta’ata arata’i o te peresideni Freeman, e tauturu mai Iesu Mesia ia tātou ’ia fa’aruru i te mau fifi ato’a, ’a tūtava ai tātou i te ha’apa’o i tā tātou mau fafaura’a.

E ha’api’i te reira iā’u :

Faʼahōhoʼaraʼa nā Josh Talbot