Te tahi ’ohipa e rave nō te Mai, pe’e mai, nā te mau tamari’i ri’i

Nō te Hebera 1–6

’A feruri na ē, tē tere ra ’oe nā ni’a i te hō’ē pahī. Nāhea ’oe e ’ite ai i hea ’oe e haere ai ? E ’āparau e mea nāhea Iesu Mesia e riro ai mai te hō’ē tāpena pahī (hi’o Hebera 2:10). ’Ia ti’aturi ana’e tātou iāna, e nehenehe ’oia e arata’i ia tātou ma te pāruruhia i te roara’a o te orara’a.

Nō te Hebera 7–13

Hīmene mai « La foi » (Chants pour les enfants, 96–97). E ’āparau e mea nāhea tātou ’ia fa’a’ite i tō tātou fa’aro’o, ’ia ti’aturi ana’e tātou i te Atua ’e ’ia pe’e ia Iesu Mesia.

Nō te Iakobo

’A hāmani ’āmui i te hō’ē mā’a monamona. ’A tīa’i noa ai ’ia ’ama mai, ’a ui atu, « e mea fifi ānei ’ia tīa’i ? » E ’ere i te mea ’ōhie ’ia tīa’i. Terā rā ’ia tīa’i ana’e tātou i te mau mea maita’i ’ia tae mai—mai te mau ha’amaita’ira’a a te Atua—e ho’ona-noa-hia ïa te taime.

Nō te 1 ’e 2 Petero

’A ’āfa’i atu i tā ’outou mau tamari’i ri’i i rāpae. E mahana maita’i ānei ? E mahana ua ānei ? ’A feruri i te hō’ē ’ohipa tā ’outou e nehenehe e rave nō te fāna’o i te reva maita’i. E ha’api’i atu ē, e nehenehe tātou e ’oa’oa, noa atu te huru o te mau mea e hā’ati nei ia tātou.

Nō te 1–3 Ioane ; Iuda

’A fāito i te teitei o tā ’outou mau tamari’i ri’i. E ha’api’i atu ē, ’a tupu ai te Fa’aora i te rahi, e rave ’oia i te mau mā’itira’a maita’i i te mahana tāta’itahi. E ani atu ia rātou ’ia fa’a’ite i te hō’ē mā’itira’a maita’i tā rātou i rave i teie mahana. ’A tauturu ia rātou ’ia parau, « tē tupu rā vau i te rahi, mai ia Iesu te huru ! »