Aroha nā ’Īnitōnētia mai !

Ha’api’i i te parau nō ni’a i te mau tamari’i a te Metua i te ao ra ’ati a’e te ao nei.

’Īnitōnētia ’o te hō’ē ïa fenua nō Apato’a Hiti’a o te rā nō ’Ātia. ’Ua hau atu i te 17 000 motu i reira ! Fātata e 280 mirioni ta’ata e ora ra i reira.

E ’Ēkālesia e tupu ra i te rahi

’Ua haere te peresideni Russell M. Nelson e fārerei i te mau melo i te ’oire pū ra nō Jakarta, i te matahiti 2019. ’E i te ’āmuira’a rahi nō ’Ēperēra 2023, ’ua fa’a’ara ’oia ē, e patuhia te hō’ē hiero i reira !

Te mau vāhi ha’amorira’a

Tē vai nei i ’Īnitōnētia te fare pure mahometa rahi roa a’e i ’Ātia Apato’a Hiti’a o te rā. Tei reira ato’a te hiero rahi roa a’e nō te ha’apa’ora’a Buddha, i te ao nei.

Hō’ē mou’a auahi nīnamu !

E rahi a’e te mau mou’a auahi oraora i ’Īnitōnētia, i te tahi atu mau fenua. E auahi nīnamu tō te mou’a tutuha auahi kawah Ijen e ’itehia te reira i te pō.

Tē parau ra ānei ’oe i tō’u reo ?

E reo ’Īnitōnētia te reo mana. Hau atu rā i te 700 reo e parauhia nei i ’Īnitōnētia ! Te aura’a o te parau tumu o tō rātou fenua oia ho’i : « Mea rahi, hō’ē rā » nō te fa’a’ite ē, ’ua hō’ē rātou.

Te nohora’a o te mau mo’o rahi

’O te mo’o nō Komodo te mo’o rahi roa a’e i roto i teie nei ao. E nehenehe rātou e tupu i ni’a i te faito 10 ’āvae (3 m) te roa !

’Ohipa e rave

Hōho’a pēni Batik

E ano’ihi te Batik tei tu’u i te ’ū i ni’a i te ’ahu. E nehenehe ato’a ’oe e rave i te reira !

Hāmani i te tahi hōho’a i ni’a i te ’api parau ’e te tāpiripiri. ’Ia mārō ana’e, e pēni i rotopū i te mau rēni tāpiri i te pēni pape.

Hāmanira’a mā’a

Nasi Uduk

1. Horoi e 2 hāpaina raiti ’uo’uo. Tāpuru te raiti i roto i te pape hō’ē hora te maoro, i muri iho a tīti’a atu.

2. I roto i te hō’ē fāri’i menemene ta’a ē, ’a mani’i e 2 hāpaina ū ha’ari. I muri iho e tu’u atu e 2 tīrofa (girofle) tā’āto’a, 1 tāpū tīnamo (cannelle), ’e 1 punu tāipu miti. ’Āno’i ’e ha’apiha’a.

3. ’Ānoi i te raiti i teie terevē. Tāpo’i ’e tunu nō te roara’a e 15–20 minuti ē ’ia ’ama roa te raiti.

4. Tātara mai ni’a mai i te auahi ’e vaiiho tāpo’i e 10 a’e minuti. ’Amu ma te tahi huero moa tunu pape, te ’ōniāni farai, ’e ’aore rā te tahi atu tāpiri.

’A ha’apāpū ē, e ta’ata pa’ari tē tauturu ia ’oe !

Mana’o i te pae nō te ea

Te ta’oto-maita’i-ra’a i te pō

Tītauhia ’ia ta’oto nō te fāri’i i te pūai nō te horo, nō te ha’uti ’e nō te ’ohipa. ’A fa’aitoito i te haere e ta’oto i te hō’ē hora pāpū maita’i i te mau pō ato’a. ’A rave i te tahi ’ohipa nō te tāmarū ia ’oe hou ’a haere ai e ta’oto.

Fa’ahōho’ara’a nā Conner Gillette